Get the latest news at
your fingertips!
Download our app now
LIVE TV
Search
ശൈത്യകാല യാത്രാ സീസണിലേക്ക് തയ്യാറെടുത്ത് ദുബായിലെ വിമാനത്താവളങ്ങൾ. സർവീസുകളുടെ എണ്ണം വർദ്ധിപ്പിച്ചും പുതിയ റൂട്ടുകൾ ഉൾപ്പെടുത്തിയുമാണ് ദുബായ് ഇന്റർനാഷണൽ, ദുബായ് വേൾഡ് സെൻട്രൽ - അൽ മക്തൂം ഇന്റർനാഷണൽ എന്നീ വിമാനത്താവളങ്ങൾ ശൈത്യകാല യാത്രാ സീസണിലേക്ക് തയ്യാറെടുക്കുന്നത്. ഇതോടെ വർഷത്തിലെ ഏറ്റവും തിരക്കേറിയ യാത്രാസമയത്ത് യാത്രക്കാർക്ക് നിരവധി സൗകര്യങ്ങൾ ലഭ്യമാകും.
ശൈത്യകാല സീസണിൽ ഇതുവരെയുള്ളതിൽ വെച്ച് ഏറ്റവും വലിയ സംയുക്ത വിമാന സംവിധാനമാണ് ഈ സീസണിൽ സജ്ജമാക്കിയിരിക്കുന്നത്. നിരവധി വിമാനക്കമ്പനികൾ അവരുടെ സർവീസുകളുടെ എണ്ണം വർദ്ധിപ്പിച്ചിട്ടുണ്ട്.
ഫ്ലൈ അരിസ്റ്റാൻ - കസാഖ്സ്ഥാനിലെ അക്ടൗവിൽ നിന്ന് ആഴ്ചയിൽ രണ്ട് സർവീസുകൾ ആരംഭിച്ചു. ഇത് മധ്യേഷ്യയിലേക്ക് പുതിയ യാത്ര സംവിധാനങ്ങൾ ഒരുക്കുന്നു.
ഓസ്ട്രിയൻ എയർലൈൻസ് - ഓസ്ട്രിയൻ തലസ്ഥാനമായ വിയന്നയിൽ നിന്നുള്ള പ്രതിദിന സർവീസുകൾ ഓസ്ട്രേിയൻ എയർലൈൻസ് പുനരാരംഭിച്ചിട്ടുണ്ട്. ഇത് മധ്യ യൂറോപ്പിലേക്ക് ആവശ്യത്തിന് സർവീസുകൾ ഉറപ്പാക്കുന്നു.
ബ്രിട്ടീഷ് എയർവേയ്സ് - ലണ്ടൻ ഹീത്രൂവിൽ നിന്നുള്ള എ380 വിമാന സർവീസുകൾ പുനസ്ഥാപിച്ചു.
വാരാഷ് എയർലൈൻ - ഇറാനിലെ സാരിയിൽ നിന്ന് ആഴ്ചയിൽ രണ്ട് സർവീസുകൾ ആരംഭിച്ചു.
ഫ്ലൈ ജിന്ന - ലാഹോറിൽ നിന്ന് ആഴ്ചയിൽ രണ്ട് സർവീസുകൾ കൂടി കൂട്ടിചേർത്തു.
Content Highlights: Dubai airports expand network as winter travel peaks
