Get the latest news at
your fingertips!
Download our app now
LIVE TV
Search
യുഎഇയിൽ സ്വർണവിലയിൽ ചാഞ്ചാട്ടം. ഇന്ന് രാവിലെ ഉപഭോക്താക്കൾക്ക് പ്രതീക്ഷ നൽകി സ്വർണവിലയിൽ താഴോട്ടുപോയി. എന്നാൽ വൈകുന്നേരമായപ്പോൾ സ്വർണത്തിന്റെ വിലയിൽ വർദ്ധനവ് രേഖപ്പെടുത്തി. എങ്കിലും സ്വർണം ഗ്രാമിന് 500 ദിർഹത്തിന് താഴെ വില തുടരുകയാണ്.
24-കാരറ്റ് സ്വർണത്തിന് ഗ്രാമിന് ഇന്ന് രാവിലെ 493 ദിർഹവും 40 ഫിൽസുമാണ് വില. ഇന്നലെ വ്യാപാരം അവസാനിക്കുമ്പോൾ ഇത് 498 ദിർഹവും 23 ഫിൽസുമായിരുന്നു. അതായത് ഏകദേശം അഞ്ച് ദിർഹത്തിനടുത്ത് കുറവ് സ്വർണ വിലയിൽ ഇന്ന് രാവിലെ രേഖപ്പെടുത്തിയിരുന്നു. എന്നാൽ വൈകുന്നേരമായപ്പോൾ, 24-കാരറ്റ് സ്വർണ വിലയിൽ വർദ്ധനവുണ്ടായി. ഗ്രാമിന് വിലയിൽ 496 ദിർഹവും 35 ഫിൽസുമാണ് വൈകുന്നേരത്തെ വില. അതായത് രാവിലെത്തെ വിലയേക്കാൾ ഏകദേശം മൂന്ന് ദിർഹത്തിന്റെ വർദ്ധനവാണ് വൈകുന്നേരമുണ്ടായത്.
സമാനമായി 22-കാരറ്റ് സ്വർണത്തിന്റെ വിലയിലും ചാഞ്ചാട്ടമുണ്ടായി. രാവിലെ ഗ്രാമിന് 452 ദിർഹമായിരുന്നു 22-കാരറ്റ് സ്വർണം ഗ്രാമിന് വിലയുണ്ടായിരുന്നത്. ഇന്നലത്തെ വിലയായ 456 ദിർഹത്തിൽ നിന്നും ഏകദേശം നാല് ദിർഹത്തിന്റെ കുറവിലാണ് 22-കാരറ്റ് സ്വർണം ഇന്ന് രാവിലെ വ്യാപാരം നടന്നത്. എന്നാൽ വൈകുന്നേരമായപ്പോൾ ഇത് 454 ദിർഹത്തിലേക്ക് ഉയർന്നു.
21-കാരറ്റ് സ്വർണത്തിന്റെ വിലയിലും ഇന്ന് ചാഞ്ചാട്ടം രേഖപ്പെടുത്തി. രാവിലെ ഗ്രാമിന് 431 ദിർഹമായിരുന്ന വില വൈകുന്നേരം 434 ദിർഹത്തിലേക്കെത്തി. ഇന്നലെ 435 ദിർഹമായിരുന്നു ഒരു ഗ്രാം 21-കാരറ്റ് സ്വർണത്തിന്റെ വില. ഇന്ന് വൈകുന്നേരമായപ്പോൾ ഏകദേശം മൂന്ന് ദിർഹത്തിന്റെ വർദ്ധനവാണ് 21 കാരറ്റ് സ്വർണവിലയിൽ രേഖപ്പെടുത്തിയത്.
18-കാരറ്റ് സ്വർണത്തിന് ഗ്രാമിന് 372 ദിർഹമാണ് ഇന്ന് വൈകുന്നേരത്തെ വില. രാവിലെ 370 ദിർഹത്തിനാണ് ഇന്ന് വ്യാപാരം നടന്നത്. ഇന്നലെ 373 ദിർഹമായിരുന്നു വ്യാപാരം അവസാനിച്ചത്. ഏകദേശം രണ്ട് ദിർഹത്തിന്റെ വർദ്ധനവാണ് ഇന്ന് വൈകുന്നേരം ഈ വിഭാഗം സ്വർണവിലയിൽ ഇന്ന് രേഖപ്പെടുത്തിയത്.
Content Highlights: Gold prices fluctuate in the UAE
