LIVE TV
സൗദി അറേബ്യയില് സാമ്പത്തിക സുതാര്യത ഉറപ്പാക്കുന്നതിന്റെ ഭാഗമായി അക്കൗണ്ടിങ്, ഓഡിറ്റിങ് മേഖലകളില് കഴിഞ്ഞ 10 വര്ഷത്തിനിടെ മുന്നൂറിലധികം പരിഷ്കാരങ്ങള് നടപ്പിലാക്കിയതായി ഓര്ഗനൈസേഷന് ഫോര് ചാര്ട്ടേഡ് ആന്ഡ് പ്രൊഫഷണല് അക്കൗണ്ടന്റ്സ്. സാമ്പത്തിക മേഖലയില് വളര്ച്ച ഉറപ്പാക്കുന്നതിനും തൊഴില് മേഖലയെ കാര്യക്ഷമമാക്കുന്നതിന്റെയും ഭാഗമായിട്ടായിരുന്നു പരിഷ്ക്കാരങ്ങള്.
രാജ്യത്തെ ബിസിനസ് അന്തരീക്ഷം മെച്ചപ്പെടുത്താനും നിക്ഷേപകരെ ആകര്ഷിക്കാനും ഇതിലൂടെ കഴിഞ്ഞതായി അധികൃതര് അറിയിച്ചു. മാനവ വിഭവശേഷി വികസനത്തിലും ഈ കാലയളവില് രാജ്യം വലിയ പുരോഗതി കൈവരിച്ചു. ഇത്തരം മാറ്റങ്ങള് സമ്പദ്വ്യവസ്ഥയെ വൈവിധ്യവല്ക്കരിക്കാനും സാമ്പത്തിക വളര്ച്ച ഉറപ്പാക്കാനും വലിയ കരുത്തേകുമെന്നാണ് വിലയിരുത്തല്.
Content Highlights: Saudi Arabia has carried out more than 300 reforms over the past 10 years to strengthen economic transparency and governance.
