Get the latest news at
your fingertips!
Download our app now
LIVE TV
Search
പ്രവാസികള്‍ക്ക് തിരിച്ചടിയായി സൗദി അറേബ്യയില്‍ ആരോഗ്യ മേഖലയില്‍ സ്വദേശിവത്ക്കരണം കൂടുതല്‍ ശക്തമാക്കുന്നു. 85 ശതമാനം വരെയാണ് സ്വദേശി വത്ക്കരണത്തിന്റെ തോത്. മലയാളികള്‍ ഉള്‍പ്പെടെ നിരവധി ആളുകളാണ് ആരോഗ്യമേഖലയില്‍ ജോലി ചെയ്യുന്നത്. നിയമം ലംഘിക്കുന്ന സ്ഥാപനങ്ങള്‍ക്കെതിരെ ശക്തമായ നടപടി നടപടി സ്വീകരിക്കുമെന്ന് മാനവവിഭവശേഷി സാമൂഹിക വികസന മന്ത്രാലയം വ്യക്തമാക്കി.
ആരോഗ്യ സംരക്ഷണ മേഖലയില്‍ സ്വദേശിവത്ക്കരണത്തിന്റെ രണ്ടാം ഘട്ടത്തിനാണ് തുടക്കം കുറിച്ചിരിക്കുന്നത്. തിരഞ്ഞെടുക്കപ്പെട്ട നാല് തസ്തികകളില്‍ ഏര്‍പ്പെടുത്തിയ സൗദിവത്ക്കരണ നടപടികള്‍ പ്രാബല്യത്തില്‍ വന്നതായി ആരോഗ്യമന്ത്രാലയും മാനവവിഭവശേഷി സാമൂഹിക വികസന മന്ത്രാലയവും അറിയിച്ചു.
65 ശതമാനം മുതല്‍ 85 ശതമാനം വരെ വിവിധ തസ്തികകളില്‍ സൗദിവത്ക്കരണ തോത് ഉയര്‍ത്തിക്കൊണ്ടാണ് പുതിയ പ്രഖ്യാപനം. ഡയറ്റീഷ്യന്‍, ഫിസിയോതെറാപ്പി തസ്തികകളില്‍ 80 ശതമാനമാണ് സ്വദേശിവത്ക്കരണത്തിന്റെ തോത്. മെഡിക്കല്‍ ലബോറട്ടികളില്‍ 70 ശതമാനം, റേഡിയോജി 65 ശതമാനം എന്നിങ്ങനെയാണ് മറ്റ് തസ്തികകളിലെ സ്വദേശിവത്ക്കരണം.
സ്‌പെഷാലിറ്റി യോഗ്യതയുള്ളവര്‍ക്ക് 7000 റിയാലും ടെക്‌നീഷ്യന്‍ യോഗ്യതയുള്ളവര്‍ക്ക് 5000 റിയാലുമാണ് സ്വകാര്യമേഖലയിലെ സൗദി സ്വദേശികള്‍ക്കുളള കുറഞ്ഞ ശമ്പളമെന്നും മാനവവിഭവശേഷി സാമൂഹിക വികസന മന്ത്രാലയം അറിയിച്ചു. ആരോഗ്യ മേഖലയില്‍ കൂടുതല്‍ സ്വദേശികള്‍ക്ക് തൊഴില്‍ ലഭ്യമാക്കുന്നതിന്റെ ഭാഗമായാണ് നടപടി. നിശ്ചിത യോഗ്യതയുളള സ്വദേശികള്‍ക്കായി പരിശീലന പരിപാടിയും സംഘടിപ്പിക്കും.
രാജ്യത്തെ എല്ലാ സ്ഥാപനങ്ങളും സ്വദശി വത്ക്കരണം കൃത്യമായി പാലിക്കണമെന്ന് അധികൃതര്‍ മുന്നറിയിപ്പ് നല്‍കി. നിയമം ലംഘിക്കുന്ന സ്ഥാപനങ്ങള്‍ കനത്ത പിഴ ഉള്‍പ്പെടെയുള്ള ശിക്ഷാ നടപടികള്‍ നേരിടേണ്ടി വരും. നിയമം പാലിക്കുന്നുണ്ടെന്ന് ഉറപ്പാക്കാന്‍ പരിശോധനയും ശക്തമാക്കും. സ്വദേശിവത്ക്കരണം കൃത്യമായി നടപ്പിലാക്കുന്ന സ്ഥാപനങ്ങള്‍ക്ക് എല്ലാ പിന്തുണയും വാദ്ഗാനം ചെയ്യുന്നതായും പുതിയ ഉത്തരവില്‍ പറയുന്നു.
ആരോഗ്യ മേഖലയില്‍ പ്രവര്‍ത്തിക്കുന്ന മലയാളികള്‍ ഉള്‍പ്പെടെയുളള നിരവധി പ്രവാസികള്‍ക്ക് ജോലി നഷ്ടമാകാന്‍ പുതിയ നടപടി വഴിവെക്കും. ഫിസിയോതെറാപ്പി, ലബോറട്ടറി മേഖലകളിലടക്കം വനിതകളടക്കമുളള നിരവധി പ്രവാസി മലയാളികളാണ് ജോലി ചെയ്യുന്നത്.
Content Highlights: Saudi Arabia strengthens indigenization in the health sector
