LIVE TV
തന്റെ ഏറ്റവും ഇഷ്ടപെട്ട മോഹൻലാൽ സിനിമകളെക്കുറിച്ച് എസ് എസ് രാജമൗലി. ദൃശ്യം ഓൾ ടൈം ഫേവറിറ്റ് ആണെന്നും ബ്രോ ഡാഡി അടുത്തിടെ കണ്ടെന്നും അദ്ദേഹം പറഞ്ഞു. ചെറിയ സിനിമകൾ മുതൽ വലിയ ചിത്രങ്ങൾ വരെയും സാമൂഹിക വിഷയങ്ങൾ പറയുന്ന സിനിമകൾ, പ്രണയകഥകൾ, ആക്ഷൻ സിനിമകൾ, ത്രില്ലറുകൾ തുടങ്ങി വ്യത്യസ്തമായ സിനിമകൾ മലയാളം ഒരുക്കുന്നതിൽ തനിക്ക് അത്ഭുതമുണ്ടെന്നും രാജമൗലി കൂട്ടിച്ചേർത്തു. ഡോണ്ട് ട്രബിൾ ദി ട്രബിൾ എന്ന സിനിമയുടെ പ്രൊമോഷൻ ഭാഗമായി നൽകിയ അഭിമുഖത്തിലാണ് രാജമൗലി ഇക്കാര്യം പറഞ്ഞത്.
‘ഞാൻ ഒരുപാട് മലയാള സിനിമകൾ കണ്ടിട്ടില്ല. പക്ഷേ ഫഹദിന്റെ ഒരുപാട് സിനിമകൾ കണ്ടിട്ടുണ്ട്. അദ്ദേഹത്തിന്റെ സിനിമകൾ എനിക്ക് ഒരുപാട് ഇഷ്ടമാണ്, 'ട്രാൻസ് എന്റെ ഓൾ ടൈം ഫേവറിറ്റാണ്. തീർച്ചയായും ‘ആവേശവും ഞാൻ വളരെ ആസ്വദിച്ച് കണ്ടിട്ടുണ്ട്. എന്റെ ഓൾ ടൈം ഫേവറിറ്റുകളിൽ ഒന്നാണ് ലാൽ സാറിന്റെ ദൃശ്യം. ദൃശ്യം 1, ദൃശ്യം 2 എന്നിവ എന്റെ ഓൾ ടൈം ഫേവറിറ്റുകളാണ്. രണ്ട് ദിവസം മുമ്പാണ് 'ബ്രോ ഡാഡി' കണ്ടത്. ഇപ്പോഴും അതിലെ ഡയലോഗുകൾ ഇവരോടൊക്കെ ആവർത്തിച്ചുപറയാറുണ്ട്', രാജമൗലി പറഞ്ഞു.
തന്റെ ഒരിക്കല്‍ സഹോദരി മോഹന്‍ലാല്‍ അഭിനയിച്ച ഒരു സിനിമയിലെ ഒരു രംഗം കാണിച്ചുതന്നതോടെയാണ് തന്റെ ധാരണ മാറിയതെന്നും രാജമൗലി ഓര്‍ത്തെടുത്തു. സിനിമയുടെ പേര് അന്ന് അറിയില്ലായിരുന്നെന്നും മോഹന്‍ലാല്‍ വില്ലന്‍ കഥാപാത്രത്തെയാണ് അവതരിപ്പിച്ചതെന്നും അദ്ദേഹം പറഞ്ഞു. ഒരു പെണ്‍കുട്ടിയെ ഉപദ്രവിക്കാന്‍ ലാല്‍ സാറിന്റെ കഥാപാത്രം പോകുന്ന രംഗമായിരുന്നു അതെന്നും, എന്നാല്‍ ആ രംഗത്തില്‍ മോഹന്‍ലാല്‍ കഥാപാത്രത്തെ അവതരിപ്പിച്ച രീതി തന്നെ ഏറെ ഭയപ്പെടുത്തിയെന്നും രാജമൗലി പറഞ്ഞു.
അതേസമയം, ഫഹദ് ഫാസിൽ നായകനായി എത്തുന്ന ഡോണ്ട് ട്രബിൾ ദി ട്രബിൾ ഇൻ തിയേറ്ററുകളിൽ എത്തി. എസ് എസ് രാജമൗലി അവതരിപ്പിക്കുന്ന ചിത്രം ശശാങ്ക് യെലേട്ടിയാണ് സംവിധാനം ചെയ്യുന്നത്. എസ്.എസ്. കാർത്തികേയ, ഷോബു യാർലഗഡ്ഡ, പ്രസാദ് ദേവിനേനി എന്നിവർ ചേർന്നാണ് നിർമ്മിക്കുന്നത്.ഭാവനാ റിലീസാണ് ചിത്രം കേരളത്തിലെ വിതരണം നിർവഹിക്കുന്നത്. ചിത്രത്തിന്റെ കേരളത്തിലെ അഡ്വാൻസ് ബുക്കിങ് ആരംഭിച്ചു.
Content Highlights: S S Rajamouli talks about his favourite movies of mohanlal
