LIVE TV
ബെത്ലഹേം കുടുംബ യൂണിറ്റിന് ശേഷം മലയാളത്തിൽ നിന്ന് അടുത്ത ഹിറ്റടിക്കാൻ ഒരു റോംകോം ഒരുങ്ങുന്നു. ആമിർ പള്ളിക്കൽ സംവിധാനം ചെയ്ത 'പ്രേംപാറ്റ' ഒക്ടോബറിൽ തിയേറ്ററുകളിലേക്ക് എത്തും. തിരുവോണദിനത്തിലാണ് സിനിമയുടെ റിലീസ് തീയതി അറിയിച്ചുകൊണ്ടുള്ള പോസ്റ്റർ അണിയറപ്രവർത്തകർ പുറത്തുവിട്ടത്. "ഓണപ്പടമല്ല! ലൈഫിലെ ഓണക്കാലങ്ങളുടെ പടം !!," എന്ന അടിക്കുറിപ്പോടെയാണ് 'പ്രേംപാറ്റ' റിലീസ് അപ്ഡേറ്റ് പങ്കുവെച്ചിരിക്കുന്നത്. വീണ്ടുമൊരു റോമാന്റിക് കോമഡി ചിത്രം എത്തുന്ന ആവേശത്തിലാണ് പ്രേക്ഷകർ.
കോളജ് എൻഎസ്എസ് ക്യാമ്പിന്റെ പശ്ചാത്തലത്തിൽ പറയുന്ന പ്രണയ സിനിമയാണ് ‘പ്രേംപാറ്റ’. ‘ആയിഷ’, ‘ഇഡി’ എന്നീ ചിത്രങ്ങൾക്ക് ശേഷം ആമിർ പള്ളിക്കൽ സംവിധാനം ചെയ്യുന്ന സിനിമയാണ് ‘പ്രേംപാറ്റ’. വായനക്കാർക്ക് പരിചിതനായ ലിജീഷ് കുമാറാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കുന്നത്. ‘സന്തോഷ് ട്രോഫി’, ‘പൂച്ച സർ’ എന്നീ സിനിമകളിൽ അഭിനയിച്ച ജോമോൻ ജ്യോതിറാണ് സിനിമയിലെ നായകൻ. സൈജു കുറുപ്പ്, അനുശ്രീ, രാജേഷ് മാധവൻ, സിദ്ദിഖ്, സഞ്ജു ശിവറാം എന്നിവർക്കൊപ്പം ജുനൈസ്, സാഫ് ബോയ്, നയന എൽസ, ടിസ് തോമസ്, ഇന്നസെൻ്റ്, അശ്വിൻ വിജയൻ, സനേഷ് ഗിന്നസ് തുടങ്ങിയ താരങ്ങളും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നു.
സ്റ്റുഡിയോ ഔട്ട്സൈഡേഴ്സ് നിര്മ്മിക്കുന്ന ചിത്രത്തിന്റെ സംഗീതം ഒരുക്കുന്നത് അങ്കിത് മേനോന് ആണ്. ഛായാഗ്രഹണം രണദിവെ നിര്വഹിക്കുമ്പോള് എഡിറ്റിംഗ് ആകാശ് ജോസഫ് വര്ഗീസ് കൈകാര്യം ചെയ്യുന്നു. ആയിഷ, ഇഡി എന്നീ ചിത്രങ്ങള്ക്ക് ശേഷം ആമിര് പള്ളിക്കല് എത്തിക്കുന്ന പുതിയ സിനിമയായതിനാല് തന്നെ പ്രേംപാറ്റയെ കുറിച്ചുള്ള പ്രതീക്ഷകള് ഉയര്ന്നിരിക്കുകയാണ്. ചിത്രം തിയേറ്ററുകളില് എത്തിക്കുക സെന്ട്രല് പിക്ചേഴ്സ് ആണ്.
വരികൾ സുഹൈൽ എം കോയയും മുത്തുവും ചേർന്നെഴുതുന്നു. സംഗീത സംവിധായകൻ അങ്കിത് മേനോൻ സഹനിർമ്മാതാവാകുന്ന "പ്രേംപാറ്റ"യുടെ എക്സിക്യൂട്ടീവ് പ്രൊഡ്യൂസർ ഒമർ നവാസി. കലൈ കിംഗ്സൺ സ്റ്റണ്ട് മാസ്റ്റർ ആകുന്ന സിനിമ എന്ന പ്രത്യേകതയും പ്രേംപാറ്റക്കുണ്ട്. ചിത്രത്തിന്റെ പ്രൊഡക്ഷൻ ഡിസൈനർ അനീസ് നാടോടി.കോസ്റ്റ്യൂം സമീറ സനീഷ്. സൗണ്ട് ഡിസൈനർ വിഷ്ണു സുജാതൻ. മേക്കപ്പ് സുധി സുരേന്ദ്രൻ. ചീഫ് അസോസിയേറ്റ് സുഹൈൽ എം. പ്രൊഡക്ഷൻ കൺട്രോളർ അനീഷ് നന്ദിപുലം. വി എഫ് എക്സ് മൈൻഡ് സ്റ്റീൻ സ്റ്റുഡിയോസ്. എസ് എഫ് എക്സ് ഗണേഷ് ഗംഗാധരൻ. കളറിസ്റ്റ് ശ്രീക് വാര്യർ. പി ആർ ഓ മഞ്ജു ഗോപിനാഥ്. സ്റ്റിൽസ് സെറീൻ ബാബു, അമൽ സി സദാർ . പബ്ലിസിറ്റി മാഡിസം ഡിജിറ്റൽ. ഡിസൈൻസ് യെല്ലോ ടൂത്ത്സ്. ഡിജിറ്റൽ മാർക്കറ്റിംഗ് ഒബ്സ്ക്യൂറ എന്റർടൈൻമെന്റ്സ്. കോഴിക്കോടും തൃശൂരുമാണ് ചിത്രത്തിന്റെ ലൊക്കേഷനുകൾ. സെൻട്രൽ പിക്ചേഴ്സ് ചിത്രം തിയറ്റുകളിൽ എത്തിക്കും.
Content Highlights: Prempatta is an upcoming romantic film set against the backdrop of a camp. The movie is scheduled to release in theaters in October and is expected to offer a romance-driven storyline with a distinctive setting.
