LIVE TV
മാർവെൽ സിനിമാറ്റിക് യൂണിവേഴ്സിന് ലോകമെമ്പാടും ആരാധകരുണ്ട്. മാർവെലിന്റെതായി പുറത്തിറങ്ങുന്ന ഓരോ സിനിമകൾക്കും വലിയ വരവേൽപ്പാണ് ലഭിക്കാറുള്ളത്. കഴിഞ്ഞ കുറച്ച് വർഷങ്ങളായി പ്രേക്ഷകരുടെ പ്രതീക്ഷകൾക്ക് അനുസരിച്ചുള്ള സിനിമകൾ അല്ല മാർവെൽ സ്റ്റുഡിയോസ് പുറത്തിറക്കുന്നതെങ്കിലും അവർ ശക്തമായി തിരിച്ചുവരുമെന്നാണ് ഓരോ ആരാധകരും കാത്തിരിക്കുന്നത്. മാർവെലിന്റെ ഏറ്റവും പ്രതീക്ഷയുള്ള സിനിമകളിൽ ഒന്നാണ് ഇനി വരാനിരിക്കുന്ന സ്പൈഡർമാൻ ചിത്രം സ്പൈഡർമാൻ: ബ്രാൻഡ് ന്യൂ ഡേ. ഇപ്പോഴിതാ ഇന്ത്യൻ സ്പൈഡർമാൻ ആരാധകരെ ആവേശത്തിലാക്കുന്ന വാർത്തയാണ് പുറത്തുവരുന്നത്.
ചിത്രം റിലീസിനും ഒരു ദിവസം മുൻപ് ഇന്ത്യയിൽ പ്രദർശനത്തിന് എത്തും എന്ന് അറിയിച്ചിരിക്കുകയാണ് നിർമാതാക്കളായ സോണി പിക്ചേഴ്സ്. ജൂലൈ 31 ആണ് സിനിമയുടെ ആഗോള റിലീസ്. ഇന്ത്യയിൽ ചിത്രം ജൂലൈ 30 ന് റിലീസിനെത്തും. ഒപ്പം റിലീസിന് 50 ദിവസങ്ങൾക്ക് മുൻപ് അഡ്വാൻസ് ബുക്കിംഗ് ആരംഭിക്കാൻ ഒരുങ്ങുകയാണ് നിർമാതാക്കൾ. ഇന്ത്യയിൽ നിന്ന് ആദ്യ ദിനം വലിയ കളക്ഷൻ തന്നെ സിനിമ നേടുമെന്നാണ് പ്രതീക്ഷ. മാർവൽ സിനിമാറ്റിക് യൂണിേവഴ്സിലെ 38ാം സിനിമയും എംസിയു സ്പൈഡർമാൻ സീരിസിലെ നാലാമത്തെ സിനിമയുമാണിത്. 2021ൽ പുറത്തിറങ്ങിയ സ്പൈഡർമാൻ: നോ വേ ഹോം സിനിമയുടെ തുടര്ച്ചയായാണ് ബ്രാൻഡ് ന്യൂ ഡേ എത്തുന്നത്.
പണിഷർ, സ്കോർപിയൻ, ഹാൻഡ്, ബൂമറാങ് തുടങ്ങിയ മാർവെൽ കഥാപാത്രങ്ങൾ ട്രെയ്ലറിൽ വരുന്നുണ്ട്. മികച്ച പ്രതികരണമാണ് ട്രെയിലറിന് ലഭിക്കുന്നത്. ട്രെയ്ലറിലെ വിഷ്വൽസിനും ടോം ഹോളണ്ടിന്റെ പ്രകടനത്തിനും കയ്യടി ലഭിക്കുന്നുണ്ട്. സ്ട്രെയിഞ്ചർ തിങ്സ് താരം സാഡി സിങ്കും സിനിമയിൽ പ്രധാന വേഷത്തിൽ എത്തുന്നുണ്ട്.
India, get ready to swing first 🕷️❤️#SpiderManBrandNewDay arrives a day early in theatres on July 30, 2026, in English, Hindi, Tamil, Telugu, Malayalam and Kannada.
— Sony Pictures India (@SonyPicsIndia) June 10, 2026
And for the first time in Spidey history, tickets go on sale in just one week. 50 days before release! pic.twitter.com/PR61ktCorm
ഡെസ്റ്റിൻ ഡാനിയൽ ക്രെറ്റൺ ആണ് സംവിധാനം. ടോം ഹോളണ്ട്, സെൻഡായ, ജേക്കബ് ബതലൻ, ജോൺ ബേൺന്തൽ, മൈക്കൽ മാൻഡോ, മാർക്ക് റുഫല്ലോ എന്നിവരാണ് പ്രധാന അഭിനേതാക്കൾ. ഇതിന് പുറമെ അവഞ്ചേഴ്സ് ഡൂംസ് ഡേയും മാർവെൽ ആരാധകർ കാത്തിരിക്കുന്ന സിനിമയാണ്. അവഞ്ചേഴ്സ് ഡൂംസ് ഡേയിലൂടെ ഡോക്ടർ ഡൂം എന്ന കഥാപാത്രമായി റോബർട്ട് ഡൗണി തിരിച്ചെത്തുന്നു എന്ന വാർത്ത അണിയറപ്രവർത്തകർ പുറത്തുവിട്ടിരുന്നു. ഒപ്പം ക്രിസ് ഇവൻസും മാർവെലിലേക്ക് തിരിച്ചെത്തുന്നു എന്നും വാർത്തകൾ വന്നിരുന്നു. ഇവരെക്കൂടാതെ പഴയതും പുതിയതുമായ നിരവധി കാസ്റ്റാണ് ഡൂംസ് ഡേയിലേക്ക് എത്തുന്നത്. ചിത്രം 2026 ഡിസംബറിൽ തിയേറ്ററുകളിൽ എത്തും. 2D, 3D ഐമാക്സ് സ്ക്രീനുകളിലായി ചിത്രം പുറത്തിറങ്ങും.
Content Highlights: Fans of the so-called “Indian Spider-Man” project have a reason to celebrate, as reports indicate that the film may arrive a day earlier than its originally planned release date. The development has sparked fresh excitement among superhero movie enthusiasts awaiting the release.
