LIVE TV
രൺവീർ സിങ്ങിനെ നായകനാക്കി ആദിത്യ ധർ സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രമാണ് ‘ധുരന്ദർ’. മികച്ച പ്രതികരണങ്ങൾ നേടി സിനിമ തിയേറ്ററിൽ നിന്ന് 1000 കോടിയ്ക്ക് മുകളിലാണ് നേടിയത്. ചിത്രം ഒടിടിയിൽ സ്ട്രീമിങ് ആരംഭിച്ചിരുന്നു. നെറ്റ്ഫ്ലിക്സിലൂടെയാണ് സിനിമ പുറത്തിറങ്ങിയത്. ധുരന്ദറിൻ്റെ തമിഴ് പതിപ്പ് പുറത്തിറങ്ങിയാൽ എങ്ങനെയുണ്ടാകും?. ഈ എഐ വീഡിയോ ആണ് സോഷ്യൽ മീഡിയയിൽ വൈറലാകുന്നത്.
ചിത്രത്തിൽ രൺവീർ സിങ് അവതരിപ്പിച്ച കഥാപാത്രമായി സൂര്യയും അക്ഷയ് ഖന്നയ്ക്ക് പകരം വിജയ്യും അർജുൻ രാംപാലിന്റെ വേഷത്തിൽ വിക്രമും സഞ്ജയ് ദത്തിന് പകരം കമൽ ഹാസനുമാണ് തമിഴ് പതിപ്പിന്റെ ഈ എഐ വീഡിയോയിൽ എത്തുന്നത്. നിമിഷനേരം കൊണ്ടാണ് ഈ വീഡിയോ വൈറലായത്. സൂര്യ ഒഴികെ മറ്റെല്ലാവരും ഗംഭീരമായി ചേരുന്നുണ്ടെന്നും ധുരന്ദർ തമിഴിൽ എത്തുകയാണെങ്കിൽ ഈ കാസ്റ്റ് അടിപൊളി ആകും എന്നുമാണ് കമന്റുകൾ. ചിത്രം തിയേറ്ററിലെത്തിയപ്പോൾ അക്ഷയ് ഖന്നയുടെ പ്രകടനത്തിന് വലിയ കയ്യടികൾ ലഭിച്ചിരുന്നു എന്നാൽ ഒടിടി റിലീസിന് പിന്നാലെ രൺവീർ സിങ്ങിന്റെ പ്രകടനത്തെ എല്ലാവരും പുകഴ്ത്തുകയാണ്. അക്ഷയ് ഖന്നയോടൊപ്പം മികച്ച പ്രകടനമാണ് രൺവീർ കാഴ്ചവെച്ചതെന്നും എക്സിലൂടെ പലരും അഭിപ്രായം അറിയിക്കുന്നുണ്ട്. സിനിമയുടെ രണ്ടാം ഭാഗം വലിയ ഓപ്പണിങ് നേടുമെന്നാണ് കണക്കുകൂട്ടൽ.
54 ദിവസം കൊണ്ട് 1051.14 കോടിയാണ് സിനിമ ഇന്ത്യയിൽ നിന്നും ഇതുവരെ നേടിയത്. ഓവർസീസിൽ നിന്നും 293.50 കോടി രൂപ നേടിയ സിനിമയുടെ ആഗോള കളക്ഷൻ ഇപ്പോൾ 1344.64 കോടിയാണ്. ഡബ്ബ് വേർഷനുകളോ പാൻ ഇന്ത്യൻ റിലീസോ ഇല്ലാതെയാണ് ധുരന്ദർ ഈ നേട്ടം സ്വന്തമാക്കിയത്. നിലവിൽ യുഎസ് മാർക്കറ്റിൽ ധുരന്ദർ ആർ ആർ ആർ, ജവാൻ എന്നീ സിനിമകളെ മറികടന്ന് കഴിഞ്ഞു. സിനിമയുടെ രണ്ടാം ഭാഗത്തിനായുള്ള കാത്തിരിപ്പിലാണ് ആരാധകർ. ഹിന്ദി, തെലുങ്ക്, കന്നഡ, മലയാളം, തമിഴ് എന്നീ ഭാഷകളിലായി 2026 മാർച്ച് 19 ന് ചിത്രം തിയേറ്ററുകളിൽ എത്തും. കേരളത്തിലും വലിയ വരവേൽപ്പാണ് സിനിമയ്ക്ക് ലഭിച്ചത്.
What if Dhurandhar was made in Tamil Cinema? 🥵🔥 pic.twitter.com/av2tXBpnWK
— CineAlpha (@CineAlpha1) March 3, 2026
ജിയോ സ്റ്റുഡിയോസ് , ബി62 സ്റ്റുഡിയോസ് എന്നിവർ ചേർന്ന് നിർമിക്കുന്ന ചിത്രത്തിൽ സഞ്ജയ് ദത്ത്, അക്ഷയ് ഖന്ന, ആർ മാധവൻ, അർജുൻ രാംപാൽ എന്നിവരും നിർണ്ണായക വേഷങ്ങളിലെത്തുന്നു. 'ഉറി ദ സർജിക്കൽ' സ്ട്രൈക്ക് എന്ന ചിത്രത്തിലൂടെ ശ്രദ്ധ നേടിയ സംവിധായകനാണ് ആദിത്യ ധർ. ചിത്രത്തിലെ രൺവീറിന്റെയും മറ്റു അഭിനേതാക്കളുടെയും പ്രകടനങ്ങൾ കയ്യടി നേടുന്നുണ്ട്. സിനിമയ്ക്ക് വമ്പൻ ഒടിടി ഡീൽ ലഭിച്ചതായി റിപ്പോട്ടുകൾ ഉണ്ട്. 285 കോടി രൂപയ്ക്ക് സിനിമയുടെ ഒ ടി ടി റൈറ്റ്സ് നെറ്ഫ്ലിക്സ് സ്വന്തമാക്കിയത്.
Content Highlights: From Kamal Haasan to Vijay, Dhurandhar tamil version ai video gets viral, fans call it better than orginal
