Get the latest news at
your fingertips!
Download our app now
LIVE TV
Search
കെജിഎഫ് എന്ന ബ്രഹ്മാണ്ഡ സിനിമയ്ക്ക് ശേഷം യഷ് നായകനായി എത്തുന്ന ചിത്രമാണ് 'ടോക്സിക്'. ഗീതു മോഹൻദാസ് ആണ് സിനിമ സംവിധാനം ചെയ്യുന്നത്. സിനിമയുടെ രണ്ട് ഗ്ലിമ്പ്സുകൾ നേരത്തെ പുറത്തുവന്നിരുന്നു. വമ്പൻ പ്രതികരണമാണ് ലഭിച്ചിരുന്നത്. വമ്പൻ ബജറ്റിലുള്ള ഒരു പക്കാ ആക്ഷൻ ചിത്രമാകും ടോക്സിക് എന്ന സൂചനയാണ് ടീസർ നൽകുന്നത്. ഗീതു മോഹൻദാസിന്റെ മുൻ സിനിമകളിൽ നിന്ന് മാറി ആക്ഷനും വയലൻസിനും സിനിമയിൽ വലിയ പ്രാധാന്യമുണ്ടാകും.
ഇപ്പോഴിതാ സിനിമയുടെ കേരള വിതരണാവകാശം ഇ4 എന്റർടൈന്മെന്റ്സ് ആണ് നേടിയിരിക്കുന്നത്. പോസ്റ്റർ പങ്കുവെച്ചുകൊണ്ട് അണിയറപ്രവർത്തകർ തന്നെയാണ് ഇക്കാര്യം അറിയിരിച്ചിരുന്നത്. ചിത്രത്തിന്റെ സംഗീത അവകാശത്തിനായി സീ മ്യൂസിക് കമ്പനിയുമായി ചരിത്രപരമായ കരാറിൽ ഒപ്പുവെച്ചുവെന്നും റിപ്പോർട്ടുകൾ ഉണ്ട്. അടുത്ത കാലത്ത് സീ മ്യൂസിക് നടത്തിയ ഏറ്റവും വലിയ ഏറ്റെടുക്കലുകളിൽ ഒന്നാണിത്. ചിത്രത്തിന്റെ മ്യൂസിക് റൈറ്റ്സ് സ്വന്തമാക്കിക്കൊണ്ട് സീ മ്യൂസിക് കമ്പനി ഈ വമ്പൻ പ്രോജക്റ്റിന്റെ ഭാഗമായിരിക്കുന്നു. 'ടോക്സിക്കിൽ' ഒരുക്കിയിരിക്കുന്നത് സംഗീത വിരുന്ന് തന്നെയാണെന്നാണ് റിപ്പോർട്ടുകൾ.
ചിത്രത്തിൽ യഷ് ഇരട്ട വേഷത്തിലാണ് എത്തുന്നതെന്ന സൂചനയാണ് ടീസർ നൽകുന്നത്. ടീസറിന്റെ അവസാനം പുതിയ ലുക്കിലുള്ള യഷിനെ കാണാനാകും. പക്കാ ഹോളിവുഡ് സിനിമയെന്ന് തോന്നിപ്പിക്കുന്ന തരം വിഷ്വലുകൾ ആണ് സിനിമയിൽ ഉള്ളതെന്ന സൂചനയാണ് ടീസർ നൽകുന്നത്. സിനിമയിൽ അഞ്ച് നായികമാരാണ് ഉള്ളത്. ഇവരുടെയെല്ലാം പോസ്റ്ററുകൾ നേരത്തെ പുറത്തുവന്നിരുന്നു.വർഷം മാർച്ച് 19 ന് ചിത്രം ആഗോളതലത്തിൽ റീലീസ് ചെയ്യുമെന്ന് നിർമാണ കമ്പനിയായ കെ വി എൻ പ്രൊഡക്ഷൻസ് അറിയിച്ചു. സിനിമ ഒരേസമയം കന്നഡയിലും ഇംഗ്ലീഷിലുമാണ് ഒരുങ്ങുന്നത്. ടോക്സിക് പറയുന്ന കഥയ്ക്ക് ആഗോള സ്വഭാവമുളളതിനാൽ ഇതൊരു പാൻ വേൾഡ് സിനിമയായി ഒരുക്കുക എന്ന തീരുമാനത്തിലാണ് അണിയറപ്രവർത്തകർ. ഇതിനാലാണ് കന്നഡയിലും ഇംഗ്ലീഷിലും ഒരേസമയം ചിത്രീകരിക്കുന്നത് എന്നാണ് റിപ്പോർട്ട്. മാത്രല്ല മറ്റ് ഇന്ത്യൻ ഭാഷകളിലേക്ക് സിനിമ ഡബ് ചെയ്യുന്നുണ്ട്.
https://x.com/KvnProductions/status/2025805413351084283?s=20The Footprint expands; the Fury, just as intense.@E4Emovies Unleashing #Toxic : A Fairy Tale for Grown-Ups in Kerala
— KVN Productions (@KvnProductions) February 23, 2026
Toxic In Cinemas Worldwide from 19-03-2026#ToxicTheMovie#ToxicOnMarch19th @TheNameIsYash#Nayanthara @advani_kiara@humasqureshi @rukminitweets… pic.twitter.com/63rN8Lf23q
കെ വി എൻ പ്രൊഡക്ഷൻസിന്റെ ബാനറിൽ വെങ്കട്ട് കെ നാരായണയും മോൺസ്റ്റർ മൈൻഡ് ക്രിയേഷൻസും ചേർന്നാണ് ടോക്സിക് നിർമ്മിക്കുന്നത്. യഷിന്റെ 19-ാം സിനിമയാണിത്. 'എ ഫെയറി ടെയിൽ ഫോർ ഗ്രോൺ-അപ്സ്' എന്നാണ് ചിത്രത്തിന്റെ ടാഗ് ലൈൻ. നേരത്തെ യഷും ഗീതുവും തമ്മില് അഭിപ്രായവ്യത്യാസം ഉണ്ടായിരുന്നു എന്നും സിനിമയുടെ ചിത്രീകരണം നിര്ത്തിവെച്ചു എന്നും റിപ്പോര്ട്ടുകള് ഉണ്ടായിരുന്നു. എന്നാല് തുടര്ന്ന് ഇതില് വിശദീകരണം എന്നവണ്ണം ചിത്രത്തിന്റെ റിലീസ് പോസ്റ്ററുമായി നിര്മാതാക്കള് എത്തിയിരുന്നു.
Content Highlights: E4 Entertainment has acquired the Kerala theatrical distribution rights for Toxic: A Fairytale for Grown-Ups, making it one of the biggest theatrical deals for a non-Malayalam release in the state. The film is slated to release across approximately 350 screens in Kerala, expanding its reach among Malayalam-speaking audiences.
