Get the latest news at
your fingertips!
Download our app now
LIVE TV
Search
ആമിർ ഖാനെ നായകനാക്കി രാജ്കുമാർ ഹിരാനി ഒരുക്കിയ ചിത്രമാണ് ത്രീ ഇഡിയറ്റ്സ്. മികച്ച അഭിപ്രായങ്ങൾ നേടിയ സിനിമ വലിയ വിജയമാണ് നേടിയത്. ഇപ്പോഴിതാ സിനിമയുടെ രണ്ടാം ഭാഗം ഒരുക്കുന്നു എന്ന റിപ്പോർട്ട് ആണ് പുറത്തുവരുന്നത്.
ആദ്യ ഭാഗത്തിലെ താരങ്ങൾ തന്നെയാകും ഈ രണ്ടാം ഭാഗത്തിലും എത്താൻ ഒരുങ്ങുന്നത്. സിനിമയുടെ ഷൂട്ടിംഗ് അടുത്ത വർഷം പകുതിയോടെ ആരംഭിക്കുമെന്നാണ് റിപ്പോർട്ട്. എന്നാൽ താരങ്ങളുടെയോ സംവിധായകന്റെയോ ഭാഗത്തുനിന്ന് ഔദ്യോഗിക സ്ഥിരീകരണം ഒന്നും വന്നിട്ടില്ല. മാധവൻ, ബൊമൻ ഇറാനി, കരീന കപൂർ, ശർമൻ ജോഷി എന്നിവരായിരുന്നു സിനിമയിലെ പ്രധാന അഭിനേതാക്കൾ. ചേതൻ ഭഗത്തിന്റെ ഫൈവ് പോയന്റ് സം വൺ എന്ന നോവലിനെ അടിസ്ഥാനമാക്കിയാണ് രാജ്കുമാർ ഹിരാനി ഈ സിനിമയൊരുക്കിയത്.
This is huge 😲😲😲#RajkumarHirani has locked script of #3idiots 2, movie to go on floor in second half 2026.
— Movie_Reviews (@MovieReview_Hub) December 8, 2025
It will feature original starcast of #AamirKhan #Madhavan #KareenaKapoorKhan and sharman Joshi
Movie will continue where it left in original 2009 movie with all… pic.twitter.com/zrJj22M0FC
സിത്താരെ സമീൻ പർ ആണ് അവസാനമായി പുറത്തിറങ്ങിയ ആമിർ ഖാൻ ചിത്രം. സ്പോർട്സ് കോമഡി ഴോണറിൽ ഒരുങ്ങിയ സിനിമ തിയേറ്ററിൽ മികച്ച പ്രതികരണമാണ് നേടിയത്. ഒരു ബാസ്കറ്റ്ബോൾ കോച്ചിന്റെ വേഷത്തിലാണ് ആമിർ ഖാൻ സിനിമയിലെത്തുന്നത്. ശുഭ് മംഗള് സാവ്ധാന് എന്ന ചിത്രത്തിലൂടെ ശ്രദ്ധേയനായ ആര് എസ് പ്രസന്നയാണ് സംവിധാനം ചെയ്യുന്നത്. ദിവ്യ നിധി ശർമ്മ ആണ് തിരക്കഥ ഒരുക്കുന്നത്. ചിത്രം നിർമിക്കുന്നത് ആമിർ ഖാനും അപർണ പുരോഹിതും ചേർന്നാണ്. ചിത്രത്തിൽ ജെനീലിയയും പ്രധാന വേഷത്തിൽ എത്തുന്നുണ്ട്. ശങ്കർ - എഹ്സാൻ - ലോയ് ആണ് സംഗീതം.
Content Highlights: 3 idiots sequel in works according to reports
