Get the latest news at
your fingertips!
Download our app now
LIVE TV
Search
കല്‍പറ്റ: രാത്രി വനത്തില്‍ അതിക്രമിച്ചുകയറി വീഡിയോ ചിത്രീകരിച്ച യൂട്യൂബര്‍ക്കെതിരെ കേസെടുത്ത് വനംവകുപ്പ്. വയനാട്ടിലെ വനത്തില്‍ അതിക്രമിച്ചു കടന്നതിനാണ് കോഴിക്കോട് ചാലപ്പുറം സ്വദേശി സാഗര്‍ ഉള്‍പ്പെടെ ഏഴുപേരെ പ്രതിചേര്‍ത്ത് വനംവകുപ്പ് കേസെടുത്തത്.
അനുമതിയില്ലാതെ അഞ്ച് ബൈക്കുകളിലെത്തി വന്യജീവികള്‍ നിറഞ്ഞ വനത്തിലുള്ളിലൂടെ അവയ്ക്ക് ശല്യമാകുന്നവിധം വീഡിയോ ചിത്രീകരിച്ച് യാത്രചെയ്തുവെന്നാണ് ഇവര്‍ക്കെതിരായ കേസ്. ഇവര്‍ ഇന്‍സ്റ്റഗ്രാമില്‍ പങ്കുവെച്ച വീഡിയോയാണ് കേസിനാധാരമായത്. സൗത്ത് വയനാട് ഡിവിഷനിലെ ചെതലയം റെയ്ഞ്ചിലുള്ള പാതിരി വനമേഖലയിലൂടെയാണ് ഇവര്‍ യാത്ര ചെയ്തത്.
Content Highlights: Forest Department files case against YouTuber who entered into forest at night and filmed video
