LIVE TV
വാഴക്കുളം: ചപ്പാത്തിക്ക് മാവ് കുഴയ്ക്കുന്ന മെഷീനില് കൈ കുടുങ്ങി സ്ഥാപന ഉടമയ്ക്ക് ദാരുണാന്ത്യം. വാഴക്കുളം പള്ളിക്കുന്നേല് റെജിമോളാണ് ചികിത്സയിലിരിക്കെ മരിച്ചത്. 52 വയസായിരുന്നു. ശനിയാഴ്ച രാവിലെ ഏഴോടെയായിരുന്നു സംഭവം നടന്നത്. വീടിന് സമീപത്തുള്ള സ്ഥാപനത്തില് യന്ത്രസഹായത്തോടെ മാവ് കുഴയ്ക്കുന്നതിനിടെയായിരുന്നു അപകടമുണ്ടായത്.
ഏറെനേരം കഴിഞ്ഞിട്ടും മാതാവിനെ കാണാത്തതോടെ അന്വേഷിച്ചെത്തിയ മകനാണ് മെഷീനില് കൈ കുടുങ്ങി അബോധാവസ്ഥയിലായിരുന്ന നിലയില് റെജിയെ കണ്ടെത്തിയത്. തൊട്ടടുത്തെ സ്ഥാപനത്തില് നിന്ന് ആളെ കൂട്ടി ഉടന് തന്നെ വാഴക്കുളത്തെ സ്വകാര്യ ആശുപത്രിയില് എത്തിച്ചു. കൈകള്ക്കും വാരിയെല്ലിനും ഗുരുതരമായി പരിക്കേറ്റിരുന്നതിനാല് തൊടുപുഴയിലെ ആശുപത്രിയില് പ്രവേശിപ്പിക്കുകയായിരുന്നു. ചികിത്സയിലിരിക്കെ ഞായറാഴ്ച രാത്രി പതിനൊന്നരയോടെയായിരുന്നു മരണം. പരേതനായ ജെസ്റ്റിനാണ് ഭര്ത്താവ്.
Content Highlights: Owner Dies After Hand Gets Trapped in Chapati Dough Kneading Machine
