LIVE TV
നിരത്തുകളില് ഇടിമുഴക്കമായി നിറഞ്ഞുനിന്ന റോയല് എന്ഫീല്ഡിന്റെ ബുള്ളറ്റുകളെ അറിയാത്ത വാഹനപ്രേമികള് ഉണ്ടായിരിക്കില്ല. എന്നാല് ഇനിമുതല് സൈലന്റ് മോഡിലും എന്ഫീല്ഡിന്റെ കരുത്തന് മോട്ടോര് ബൈക്കുകളെ കാണാം. റോയല് എന്ഫീല്ഡ് തങ്ങളുടെ പുതിയ ഇലക്ട്രിക് ബ്രാന്ഡായ 'ഫ്ളൈയിങ് ഫ്ളീ'ക്ക് കീഴിലുള്ള ആദ്യ മോഡല് സി6 ഇന്ത്യയില് അവതരിപ്പിച്ചു.
പഴയ യുദ്ധകാല ബൈക്കുകളില്നിന്ന് പ്രചോദനം ഉള്ക്കൊണ്ട് നിര്മിച്ച മോഡല്, ആധുനിക സാങ്കേതികവിദ്യയും റെട്രോ ഡിസൈനും ഒത്തുചേരുന്ന ഇരുചക്ര വാഹനമാണ്. ഇന്ത്യയിലെയും യുകെയിലെയും 200ലേറെ എന്ജിനീയര്മാര് ചേര്ന്നാണ് ഈ ഇലക്ട്രിക് ബൈക്ക് വികസിപ്പിച്ചെടുത്തത്. റെഡ് ഡോട്ട് ഡിസൈന് അവാര്ഡും ഈ മോഡല് ഇതിനകം സ്വന്തമാക്കിയിട്ടുണ്ട്.
സാങ്കേതിക മികവ്
2.79 ലക്ഷം രൂപയാണ് (എക്സ്-ഷോറൂം) പ്രാരംഭ വില. ഇ എം ഐ സൌകര്യമുള്ള ബാറ്ററി സബ്സ്ക്രിപ്ഷന് പ്ലാന് തിരഞ്ഞെടുക്കുകയാണെങ്കില് 1.99 ലക്ഷം രൂപയ്ക്ക് ബൈക്ക് സ്വന്തമാക്കാം. വെള്ളിയാഴ്ച മുതല് ബുക്കിങ് ആരംഭിക്കും. ആദ്യ ഘട്ടത്തില് ബെംഗളൂരുവിലെ ജയനഗറിലുള്ള ഔട്ട്ലെറ്റ് വഴിയാണ് ബുക്കിങ് നടക്കുക. മേയ് അവസാനത്തോടെ ഉപഭോക്താക്കള്ക്ക് ബൈക്ക് ലഭിച്ചുതുടങ്ങും. ഘട്ടംഘട്ടമായി മറ്റ് നഗരങ്ങളിലേക്കും വിപണനം വ്യാപിപ്പിക്കും.
Content Highlights: Flying Flea C6 launched at Rs 2.79 lakh, marks Royal Enfield's entry into EV space
