'പത്ത് മിനിറ്റിനുള്ളില്‍ രമേശ് ഇന്ദുകുലാധരന്‍ ലോകത്തോട് വിട പറഞ്ഞിരിക്കും';'സുമേഷ് ആന്‍ഡ് രമേഷ്' ട്രെയ്‌ലര്‍

ശ്രീനാഥ് ഭാസി, ബാലു വര്‍ഗീസ് എന്നിവര്‍ പ്രധാനകഥാപാത്രങ്ങളായി എത്തുന്ന 'സുമേഷ് ആന്‍ഡ് രമേഷി'ന്റെ ട്രെയ്‌ലര്‍ പുറത്തുവിട്ടു. ഒരു കോമഡി ഫാമിലി എന്റര്‍ടെയ്‌നര്‍ ആയിരിക്കും സിനിമ എന്നാണ് ട്രെയ്‌ലറില്‍ നിന്നും ലഭിക്കുന്ന സൂചന. സനൂപ് തൈക്കുടമാണ് ചിത്രത്തിന്റെ സംവിധാനം നിര്‍വഹിക്കുന്നത്. സിനിമ നവംബര്‍ 26ന് തീയേറ്ററുകളില്‍ എത്തും.

ശ്രീനാഥ് ഭാസിയാണ് സുമേഷ് എന്ന കഥാപാത്രത്തെ അവതരിപ്പിക്കുന്നത്. രമേഷ് ആയി എത്തുന്നത് ബാലു വര്‍ഗീസാണ്. സലീം കുമാര്‍, പ്രവീണ, സുധീപ് ജോഷി, ഷെബിന്‍ ബെന്‍സണ്‍ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത് ജോസഫ് വിജീഷും സനൂപ് തൈക്കുടവും ചേര്‍ന്നാണ്. വൈറ്റ് സാന്‍ഡ്‌സിന്റെ ബാനറില്‍ കെ. എല്‍ 7 എന്റര്‍ടെയ്ന്‍മെന്റ്‌സുമായി ചേര്‍ന്ന് ഫരീദ് ഖാന്‍ ആണ് ചിത്രം നിര്‍മ്മിക്കുന്നത്.

ഫരീദ് ഖാനാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. സംഗീത സംവിധാനം യാക്‌സണ്‍ ഗാരി പെരേര, നേഹ എസ് നായര്‍ എന്നിവരാണ്. ചീഫ് അസോസിയേറ്റ് ഡയറക്ടര്‍ ജയരാജ്, ശബ്ദ സംവിധാനം രാംനാഥ് രവി, ചമയം അമല്‍ ചന്ദ്രന്‍, വസ്ത്രാലങ്കാരം വീണ സ്യമന്തക്, എഡിറ്റിംഗ് അയൂബ് ഖാന്‍.