LIVE TV
അലഹബാദ്: സംഭൽ മസ്ജിദിൽ പ്രാർത്ഥനയ്ക്കെത്തുന്ന വിശ്വാസികളുടെ എണ്ണം നിയന്ത്രിച്ച സംഭവത്തിൽ സംഭൽ ജില്ലാ അധികാരികൾക്കെതിരെയും പൊലീസിനെതിരെയും അലഹബാദ് ഹൈക്കോടതി. ക്രമസമാധാനം ഉറപ്പാക്കാൻ കഴിയില്ലെങ്കിൽ രാജിവെച്ച് പോകുകയോ സ്ഥലംമാറി പോകുകയോ ചെയ്യാനും കോടതി പറഞ്ഞു. പോലീസ്, കളക്ടർ തുടങ്ങിയവർക്കെതിരെയാണ് കോടതിയുടെ വിമർശനം.
ജസ്റ്റിസ് അതുൽ ശ്രീധരൻ, സിദ്ധാർഥ് നന്ദൻ എന്നിവരടങ്ങിയ ഡിവിഷൻ ബെഞ്ചാണ് രൂക്ഷവിമർശനം ഉന്നയിച്ചത്. സംഭൽ മസ്ജിദിൽ പ്രാർത്ഥനയ്ക്കെത്തുന്ന വിശ്വാസികളുടെ എണ്ണം 20 ആയി സംഭൽ ജില്ലാ ഭരണകൂടം പരിമിതപ്പെടുത്തിയിരുന്നു. ക്രമസമാധാന പ്രശ്നം ചൂണ്ടിക്കാട്ടിയായിരുന്നു ജില്ലാ ഭരണകൂടം ഈ തീരുമാനമെടുത്തത്. മുനസിർ ഖാൻ എന്ന വ്യക്തി തീരുമാനത്തെ ചോദ്യം ചെയ്ത് കോടതിയെ സമീപിക്കുകയായിരുന്നു. ഈ ഹർജി പരിഗണിക്കുമ്പോഴാണ് ജില്ലാ ഭരണാധികാരികൾക്കെതിരെ കോടതി രൂക്ഷവിമർശനം ഉന്നയിച്ചത്.
നിയമവാഴ്ച ഉറപ്പാക്കേണ്ടത് സംസ്ഥാനത്തിന്റെ കടമയാണ് എന്ന് കോടതി ഊന്നിപ്പറഞ്ഞു. ക്രമസമാധാന പ്രശ്നം ഉണ്ടാകാമെന്ന് തദ്ദേശ സ്വയംഭരണ സ്ഥാപനങ്ങൾ, അതായത് പോലീസ് സൂപ്രണ്ട്, കളക്ടർ എന്നിവർ കരുതുന്നുവെങ്കിൽ, പരിസരത്ത് ആരാധന നടത്തുന്നവരുടെ എണ്ണം പരിമിതപ്പെടുത്താൻ അവർ ആഗ്രഹിക്കുന്നുവെങ്കിൽ, അവർ ഒന്നുകിൽ തങ്ങളുടെ സ്ഥാനം രാജിവയ്ക്കുകയോ അല്ലെങ്കിൽ സ്ഥലം മാറി പോകുകയോ വേണം എന്ന് ഹൈക്കോടതി വിമർശിച്ചു.
ഓരോ സമുദായത്തിനും അവരുടെ ആരാധനാലയത്തിൽ സമാധാനപരമായി പ്രാർത്ഥിക്കാൻ കഴിയുന്നുണ്ടെന്ന് ഉറപ്പാക്കേണ്ടത് സംസ്ഥാനത്തിന്റെ കടമയാണ്. കോടതി നേരത്തെ കൈവശം വച്ചിരിക്കുന്നതുപോലെ അത് ഒരു സ്വകാര്യ സ്വത്താണെങ്കിൽ, സംസ്ഥാനത്തിന്റെ അനുമതിയില്ലാതെ ആരാധന നടത്താൻ കഴിയും. പൊതു സ്ഥലങ്ങളിലോ മറ്റോ പ്രാർത്ഥന നടത്താനേ സംസ്ഥാനത്തിന്റെ അനുവാദം വേണ്ടൂ എന്നും കോടതി പറഞ്ഞു.
Content Highlights: The Allahabad High Court sharply criticised district authorities and police in Sambhal over restrictions imposed on the number of devotees allowed to offer prayers at a mosque. The court questioned the ability of officials to maintain law and order and remarked that if they cannot ensure peace during religious gatherings, they should consider resigning or seeking transfer
