Get the latest news at
your fingertips!
Download our app now
LIVE TV
Search
ചെന്നൈ: തമിഴ്‌നാട് ഗൂഡല്ലൂരില്‍ കാട്ടാന ആക്രമണത്തില്‍ മധ്യവയസ്‌കന്‍ കൊല്ലപ്പെട്ടു. ഗൂഡല്ലൂര്‍ ബിദര്‍കാട് ചന്തക്കുന്ന് സ്വദേശി ജോയ് ആന്റണിയാണ് മരിച്ചത്. ഗൂഡല്ലൂർ പോയി ജോയ് വീട്ടിലേക്ക് തിരികെ മടങ്ങവെ വഴിയില്‍വെച്ച് കാട്ടാന ആക്രമിക്കുകയായിരുന്നു. രാത്രി എട്ടുമണിയോടെയായിരുന്നു സംഭവം. മൃതദേഹം പന്തല്ലൂര്‍ ആശുപത്രിയില്‍ സൂക്ഷിച്ചിരിക്കുകയാണ്.
സ്ഥിരമായി ഈ മേഖലയിലുണ്ടാകാറുളള കാട്ടാനയാണ് ആക്രമിച്ചതെന്നാണ് വനംവകുപ്പ് ഉദ്യോഗസ്ഥർ പറയുന്നത്. രാവിലെയോടു കൂടി മൃതദേഹം പോസ്റ്റ് മോർട്ടത്തിനായി ഊട്ടി മെഡിക്കൽ കോളേജ് ആശുപത്രിയിലേക്ക് കൊണ്ടുപോകും എന്നാണ് വിവരം. ജോയ് ആന്റണിയുടെ വയറ്റിലാണ് ആനയുടെ കുത്തേറ്റത്. തൽക്ഷണം മരണം സംഭവിക്കുകയായിരുന്നു.
ബിദർകാട് നീലഗിരി വനമേഖലയോട് അടുത്തുകിടക്കുന്ന സ്ഥലമാണ്. നിരവധി ആനത്താരകളും പ്രദേശത്തുണ്ട്. രാത്രികളിൽ സ്ഥിരമായി ആനകളുടെ സാന്നിദ്ധ്യം ഈ മേഖലയിലുണ്ട്. എന്നാൽ ഒരിടവേളയ്ക്ക് ശേഷമാണ് ബിദർകാട് കാട്ടാനയുടെ ആക്രമണമുണ്ടായതെന്ന് നാട്ടുകാർ പറഞ്ഞു.
Content Highlights: Middle aged man died in Wild Elephant attack tamilnadu gudallur
