വി കുഞ്ഞികൃഷ്ണന്‍ എംഎല്‍എയുടെ പ്രസംഗം തടസ്സപ്പെടുത്തി; സംഭവം സഹകരണ വാരാഘോഷത്തിനിടെ

എംഎല്‍എയുടെ പിഎയെ സിപിഐഎം സഹകരണ സംഘത്തിലെ ഭാരവാഹികള്‍ കയ്യേറ്റം ചെയ്തതായും ആരോപണമുണ്ട്

വി കുഞ്ഞികൃഷ്ണന്‍ എംഎല്‍എയുടെ പ്രസംഗം തടസ്സപ്പെടുത്തി; സംഭവം സഹകരണ വാരാഘോഷത്തിനിടെ
dot image

കണ്ണൂര്‍: സഹകരണ വാരാഘോഷത്തിനിടെ വി കുഞ്ഞികൃഷ്ണന്‍ എംഎല്‍എയുടെ പ്രസംഗം തടസ്സപ്പെടുത്തി. പയ്യന്നൂര്‍ കണ്ടോത് നടന്ന പരിപാടി ഉദ്ഘാടനം ചെയ്യുമ്പോഴായിരുന്നു സംഭവം. എംഎല്‍എയുടെ പിഎയെ സിപിഐഎം സഹകരണ സംഘത്തിലെ ഭാരവാഹികള്‍ കയ്യേറ്റം ചെയ്തതായും ആരോപണമുണ്ട്. തളിപ്പറമ്പ് സര്‍ക്കിള്‍ യൂണിയന്‍ വരാഘോഷത്തിന്റെ ഭാഗമായാണ് പരിപാടി സംഘടിപ്പിച്ചിരുന്നത്. ഇന്നലെ തന്നെ പരിപാടിയുടെ ഉദ്ഘാടകനുമായി ബന്ധപ്പെട്ട വിവാദം ഉടലെടുത്തിരുന്നു. സ്ഥലം എംഎല്‍എ വി കുഞ്ഞികൃഷ്ണനെ ഉദ്ഘാടകനാക്കാതെ നഗരസഭാ ചെയര്‍മാനെയായിരുന്നു ഉദ്ഘാടകനായി തീരുമാനിച്ചിരുന്നത്. പിന്നാലെ മന്ത്രി ഇപെട്ടാ്ണ എംഎല്‍എയെ ഉദ്ഘാടകനായി തീരുമാനിക്കണമെന്ന് നിര്‍ദ്ദേശ നല്‍കുന്നത്.

പരിപാടിയില്‍ പ്രസംഗിച്ച് തുടങ്ങിയതിന് പിന്നാലെ ഏത് തെറ്റ് കണ്ടാലും തന്റെ ശബ്ദം ഉയരുമെന്ന് എംഎല്‍എ പറഞ്ഞിരുന്നു. ഇതിനിടെയാണ് വേദിയിലിരുന്ന ചില ആളുകള്‍ അവിടെ നിന്ന് എഴുന്നേറ്റ് അദ്ദേഹത്തിനെതിരെ പ്രതിഷേധമുയര്‍ത്തുന്ന സാഹചര്യമുണ്ടായത്. വീണ്ടും എംഎല്‍എ പ്രസംഗം തുടരുന്നതിനിടെ സദസില്‍ നിന്ന് നിരവധി പേര്‍ എഴുന്നേറ്റ് നിന്ന് പ്രതിഷേധിക്കുന്ന സാഹചര്യവുമുണ്ടായി. തുടര്‍ന്നാണ് എംല്‍എയും പിഎ അടക്കമുള്ളവര്‍ക്ക് മര്‍ദ്ദനമേറ്റതായി ആരോപണം ഉയര്‍ന്നത്.

പയ്യന്നൂരിലും തളിപ്പറമ്പിലും സിപിഐഎം വിട്ട് വന്ന എംഎല്‍മാര്‍ സിപിഐഎം ഭരിക്കുന്ന സദ്ദേശ സ്ഥാനപനങ്ങള്‍ക്കെതിരെ വലിയ വിമര്‍ശനങ്ങള്‍ ഉയര്‍ത്തിയിരുന്നു. സിപിഐഎം ഭരിക്കുന്ന പഞ്ചായത്തുകളിലും നഗരസലഭകളിലും വേണ്ടത്ര പരിഗണന ലഭിക്കുന്നില്ലെന്നായിരുന്നു വി കുഞ്ഞികൃഷ്ണന്റെയും ടി കെ ഗോവിന്ദന്റെയും ആരോപണം. ഇതിന്റെ തുടര്‍ച്ചയായി കുഞ്ഞികൃഷ്ണന്‍ എംഎല്‍എയെ തളിപ്പറമ്പ് സര്‍ക്കിള്‍ യൂണിയന്‍ വരാഘോഷത്തില്‍ ഉള്‍പ്പെടുത്താതെ ആദ്യം പരിപാടി നിശ്ചയിച്ചിരുന്നതെന്നാണ് സൂചന. പരിപാടിയുടെ ചാര്‍ട്ടില്‍ എവിടെയും എംഎല്‍എയുടെ പേര് ഉണ്ടായിരുന്നില്ല.

Content Highlights: V Kunhikrishnan MLA's speech was interrupted while he was inaugurating a cooperative week celebration at Kandoth in Payyannur. Allegations have also emerged that CPI(M) cooperative society office-bearers manhandled the MLA's personal assistant. The event had earlier triggered controversy over the choice of inaugural speaker, with the municipal chairperson initially selected instead of the local MLA. A minister later intervened and directed that Kunhikrishnan be appointed as the inaugurator.

dot image
To advertise here,contact us
dot image