Reporter Pre-Poll Trend:Thiruvanthapuram: ഇടത് മണ്ഡലങ്ങള്‍ സുശക്തമോ? വെല്ലുവിളിച്ച് എന്‍ഡിഎയും യുഡിഎഫും

തിരുവനന്തപുരത്ത് എല്‍ഡിഎഫിനും യുഡിഎഫിനും എന്‍ഡിഎയ്ക്കും നിര്‍ണായക പോരാട്ടങ്ങള്‍ക്ക് കളമൊരുങ്ങുന്നു.

റിപ്പോർട്ടർ നെറ്റ്‌വര്‍ക്ക്‌

2 min read|06 Apr 2026, 10:50 pm

2021ലെ തെരഞ്ഞെടുപ്പില്‍ എല്‍ഡിഎഫ് തൂത്തുവാരിയ മണ്ഡലമായിരുന്നു തിരുവനന്തപുരം. കോവളം ഒഴികെ മറ്റ് പതിമൂന്ന് മണ്ഡലങ്ങളും ഇടത് തരംഗത്തില്‍ വന്‍ വിജയം നേടിയിരുന്നു. എന്നാല്‍ ഇപ്രാവശ്യം യുഡിഫ് മൂന്ന് മുതല്‍ നാല് സീറ്റുകള്‍ വരെ നേടാനുള്ള സാധ്യതയാണ് റിപ്പോര്‍ട്ടര്‍ പ്രീ പോള്‍ ട്രെന്‍ഡ് തുറന്നുകാണിക്കുന്നത്. എല്‍ഡിഎഫ് ഒന്‍പത് മുതല്‍ പതിനൊന്ന് വരെ സീറ്റുകളില്‍ വിജയിക്കുമെന്നും നിലവിലെ തെരഞ്ഞെടുപ്പ് അന്തരീക്ഷം വ്യക്തമാക്കുന്നുണ്ട്. ബിജെപിയില്‍ നിന്നും എല്‍ഡിഎഫ് തിരിച്ചുപിടിച്ച നേമം മണ്ഡലത്തില്‍ ഇത്തവണ വാശിയേറിയ ത്രികോണമത്സരത്തിനാണ് സാധ്യത. എല്‍ഡിഎഫിന്റെ വി ശിവന്‍കുട്ടിയും എന്‍ഡിഎയുടെ രാജീവ് ചന്ദ്രശേഖരനും യുഡിഎഫിന്റെ കെ ശബരീനാഥനും തമ്മില്‍ ഫോട്ടോ ഫിനിഷ് പോരാട്ടം നടക്കുമെന്നാണ് സൂചനകള്‍. കഴക്കൂട്ടത്ത് എന്‍ഡിഎയും എല്‍ഡിഎഫും തമ്മിലും സമാനമായ രീതിയില്‍ വലിയ പോരായിരിക്കും നടക്കുക. ഇതോടെ എന്‍ഡിഎയ്ക്ക് 0-2 വരെ സീറ്റുകള്‍ ലഭിക്കുമെന്നാണ് പ്രീ പോള്‍ ട്രെന്‍ഡ് ചൂണ്ടിക്കാണിക്കുന്നത്.

വര്‍ക്കല

LDF - വി ജോയി
UDF-വർക്കല കഹാർ
NDA -സ്മിത സുന്ദരേശൻ
ജയസാധ്യത എല്‍ഡിഎഫിന്