Get the latest news at
your fingertips!
Download our app now
LIVE TV
Search
ആലപ്പുഴ: തുറവൂരിൽ പൊലീസ് മർദ്ദിച്ചയാളെ ക്ഷേത്രക്കുളത്തിൽ മരിച്ച നിലയിൽ കണ്ടെത്തി. പട്ടണക്കാട് മേനാശ്ശേരി സ്വദേശി സമ്പത്തി(38)നെയാണ് ക്ഷേത്രക്കുളത്തിൽ മരിച്ച നിലയിൽ കണ്ടെത്തിയത്. കഴിഞ്ഞ ദിവസം തുറവൂരിലെ ക്ഷേത്രത്തിൽ കയറി ബഹളം വെച്ചതിന് പിന്നാലെ സമ്പത്തിനെ പൊലീസ് മർദ്ദിച്ചിരുന്നു. തുടർന്ന് ഇന്ന് രാവിലെയാണ് ക്ഷേത്രക്കുളത്തിൽ സമ്പത്തിനെ മരിച്ച നിലയിൽ കണ്ടെത്തിയത്. ഇന്നലെ പുലർച്ചെയാണ് ഇയാൾ വീട് വിട്ടിറങ്ങിയതെന്നാണ് വിവരം.
മാനസികവെല്ലുവിളി നേരിടുന്ന ആളാണ് സമ്പത്ത് എന്ന് പൊലീസ് വിശദീകരിച്ചു. മർദ്ദനത്തിന്റെ ദൃശ്യം റിപ്പോർട്ടറിന് ലഭിച്ചു. അമ്പലത്തിൽബഹളം വെച്ചതിന് പിന്നാലെ ജീവനക്കാരും നാട്ടുകാരും ചേർന്ന് സമ്പത്തിന്റെ കൈ കെട്ടിയിട്ട് പൊലീസിനെ വിളിച്ചുവരുത്തുകയായിരുന്നു. തുടർന്ന് ഇയാളുടെ മുഖത്തടക്കം പൊലീസ് മർദ്ദിക്കുന്നത് ദൃശ്യത്തിലുണ്ട്.
(ജീവിതത്തിലെ വിഷമസന്ധികള്‍ക്ക് ആത്മഹത്യയല്ല പരിഹാരം. സമ്മര്‍ദ്ദങ്ങള്‍ അതിജീവിക്കാന്‍ സാധിച്ചേക്കില്ലെന്ന ആശങ്കയുണ്ടാകുമ്പോള്‍ മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. 1056 എന്ന നമ്പറില്‍ വിളിക്കൂ, ആശങ്കകള്‍ പങ്കുവെയ്ക്കൂ)
Content Highlights: men found dead at Thuravoor
