Get the latest news at
your fingertips!
Download our app now
LIVE TV
Search
പത്തനംതിട്ട: പൊലീസ് ബറ്റാലിയന്‍ ക്യാമ്പില്‍ സബ് ഇന്‍സ്‌പെക്ടറെ ജീവനൊടുക്കിയ നിലയില്‍ കണ്ടെത്തി. സബ് ഇന്‍സ്‌പെക്ടര്‍ കുഞ്ഞുമോനെയാണ് മരിച്ച നിലയില്‍ കണ്ടെത്തിയത്. അന്‍പത്തിയൊന്ന് വയസായിരുന്നു.
പത്തനംതിട്ട അടൂര്‍ കേരള ആംമ്ഡ് പൊലീസ് മൂന്നാം ബറ്റാലിയനിലെ ഉദ്യോഗസ്ഥനായിരുന്നു. ക്വാര്‍ട്ടേഴ്‌സിന് പിന്നിലെ മരത്തില്‍ തൂങ്ങി മരിച്ച നിലയിലായിരുന്നു ഇദ്ദേഹത്തെ കണ്ടെത്തിയത്. ഭാര്യയോടൊപ്പമായിരുന്നു ഇദ്ദേഹം ക്വാര്‍ട്ടേഴ്‌സില്‍ കഴിഞ്ഞിരുന്നത്. കുഞ്ഞുമോന് സാമ്പത്തിക ബാധ്യതകൾ ഉണ്ടായിരുന്നുവെന്നാണ് വിവരം.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)
Content Highlights- SI found dead near quarters in adoor
