LIVE TV
ഏഷ്യന് ഗെയിംസ് പുരുഷ ടി20 ക്രിക്കറ്റ് പോരാട്ടത്തില് കരുത്തരായ അഫ്ഗാനെ അട്ടിമറിച്ച് നേപ്പാള്. അഞ്ച് വിക്കറ്റിന്റെ ജയമാണ് നേപ്പാൾ നേടിയത്.
ആദ്യം ബാറ്റ് ചെയ്ത അഫ്ഗാനിസ്ഥാന് നിശ്ചിത ഓവറില് 7 വിക്കറ്റ് നഷ്ടത്തില് 102 റണ്സ് മാത്രമാണ് നേടിയത്. നേപ്പാള് 17.2 ഓവറില് 5 വിക്കറ്റ് നഷ്ടത്തില് 103 റണ്സ് അടിച്ചെടുത്തു.34 റണ്സെടുത്ത സന്ദീപ് ജോറയാണ് നേപ്പാളിന്റെ ടോപ് സ്കോറര്.
നേരത്തെ ആദ്യം ബാറ്റ് ചെയ്ത അഫ്ഗാന് ബാറ്റിങ് നിരയെ നേപ്പാള് എറിഞ്ഞിട്ടു. 4 ഓവറില് 21 റണ്സ് വഴങ്ങി 4 വിക്കറ്റുകള് വീഴ്ത്തിയ കുശാല് ബുര്ടല്, 4 ഓവറില് 13 റണ്സ് മാത്രം വഴങ്ങി 3 വിക്കറ്റെടുത്ത ലളിത് രാജ്ബന്ഷി എന്നിവരുടെ ബൗളിങാണ് അഫ്ഗാനെ അടിതെറ്റിച്ചത്.
30 വീതം റണ്സെടുത്ത ഫൈസല്ഖാന് അഹമദ്സായ്, നജിബുല്ല സാദ്രാന് എന്നിവര്ക്ക് മാത്രമാണ് പിടിച്ചു നില്ക്കാന് സാധിച്ചത്.
content highlights: asian games nepal upsets afghanistan in cricket
