LIVE TV
ഏഷ്യന് ഗെയിംസിലെ മത്സരങ്ങളില് നിന്ന് ഇന്ത്യന് സ്പിന്നര് വരുണ് ചക്രവര്ത്തിയെ ഒഴിവാക്കി. പേശിക്കേറ്റ പരുക്കിനെ തുടര്ന്നാണ് താരത്തിന് പിന്മാറേണ്ടി വന്നത്. വരുണിന് പകരം ഉത്തര്പ്രദേശില് നിന്നുള്ള യുവ സ്പിന് ഓള്റൗണ്ടര് വിപ്രാജ് നിഗത്തിന് ആദ്യമായി ഇന്ത്യന് ദേശീയ ടീമിലേക്ക് വിളി ലഭിച്ചു. പരിശീലനത്തിനിടെയാണ് വരുണ് ചക്രവര്ത്തിക്ക് പേശിക്ക് അസ്വസ്ഥത അനുഭവപ്പെട്ടത്. തുടര്ന്ന് നടത്തിയ പരിശോധനയിലാണ് താരത്തിന് വിശ്രമം ആവശ്യമാണെന്ന് മെഡിക്കല് സംഘം നിര്ദ്ദേശിച്ചത്. അടുത്തിടെ അവസാനിച്ച ഐസിസി റാങ്കിങ്ങില് അഞ്ചാം സ്ഥാനത്തേക്ക് കുതിച്ചെത്തിയ വരുണിന്റെ പിന്മാറ്റം ഇന്ത്യന് നിരയ്ക്ക് നിരാശയാണ് നല്കുന്നത്.
വരുണിന് പകരക്കാരനായി ടീമിലെത്തിയ വിപ്രാജ് നിഗം അഭ്യന്തര ക്രിക്കറ്റിലും ഐ.പി.എല്ലിലും കാഴ്ചവെച്ച മികച്ച പ്രകടനത്തിന്റെ മികവിലാണ് ദേശീയ ടീമിലേക്ക് തിരഞ്ഞെടുക്കപ്പെട്ടത്. മികച്ച ലെഗ് സ്പിന് എറിയുന്നതിനൊപ്പം ലോവര് ഓര്ഡറില് നിര്ണായക റണ്സ് നേടാനും മിടുക്കനായ നിഗം ഇന്ത്യന് ടീമിന്റെ സ്പിന് ആക്രമണത്തിന് കൂടുതല് കരുത്ത് നല്കും.
ശ്രേയസ് അയ്യര് നയിക്കുന്ന ഇന്ത്യന് പുരുഷ ടീം ഏഷ്യന് ഗെയിംസില് സ്വര്ണ്ണമെഡല് നിലനിര്ത്തുക എന്ന ലക്ഷ്യത്തോടെയാണ് ഇറങ്ങുന്നത്. ജപ്പാനെതിരായ മത്സരത്തോടെയാണ് ഇന്ത്യയുടെ ക്യാമ്പയിന് ആരംഭിക്കുന്നത്.
content highlights: Side Strain Rules Varun Chakravarthy Out of Asian Games 2026; Vipraj Nigam Named Replacement
