LIVE TV
ബ്രണ്ടന് മക്കല്ലം ഇംഗ്ലണ്ടിന്റെ ടെസ്റ്റ് ഹെഡ് കോച്ച് സ്ഥാനത്ത് നിന്ന് പുറത്താക്കപ്പെട്ടതിന്റെ പൂര്ണ്ണ ഉത്തരവാദിത്തം ഏറ്റെടുത്ത് ഇംഗ്ലണ്ട് ക്രിക്കറ്റ് ടീമിന്റെ മുന് ടെസ്റ്റ് ക്യാപ്റ്റന് ബെന് സ്റ്റോക്സ്. താന് അന്താരാഷ്ട്ര ക്രിക്കറ്റില് നിന്ന് വിരമിക്കാന് തീരുമാനിച്ചിരുന്നില്ലെങ്കില് മുന് ന്യൂസീലന്ഡ് ക്യാപ്റ്റന് കൂടിയായ മക്കല്ലത്തിന് ഇപ്പോഴും തന്റെ ജോലി നഷ്ടപ്പെടില്ലായിരുന്നുവെന്ന് അദ്ദേഹം സമ്മതിച്ചു.
മക്കല്ലത്തെ പുറത്താക്കിയ നടപടി തനിക്ക് അപ്രതീക്ഷിതമായിരുന്നുവെന്ന് 'ഫോര് ദി ലവ് ഓഫ് ക്രിക്കറ്റ്' പോഡ്കാസ്റ്റില് സംസാരിക്കവെ സ്റ്റോക്സ് വെളിപ്പെടുത്തി. താന് വിരമിക്കല് പ്രഖ്യാപനം നടത്തിയില്ലായിരുന്നെങ്കില് മക്കല്ലം സ്ഥാനത്ത് തുടരുമായിരുന്നു എന്ന് അദ്ദേഹം വ്യക്തമാക്കി. പോഡ്കാസ്റ്റില് തന്റെ മുന് സഹതാരങ്ങളായ ജോസ് ബട്ലറോടും സ്റ്റുവര്ട്ട് ബ്രോഡിനോടുമാണ് അദ്ദേഹം സംസാരിച്ചത്. 'ഞാന് അങ്ങനെയൊരു തീരുമാനം എടുത്തിരുന്നില്ലെങ്കില്, മക്കല്ലം ഇപ്പോഴും പരിശീലകനായി തുടരുമായിരുന്നു. അതിനാല് അത് എന്റെ തെറ്റാണ്!' -അദ്ദേഹം പറഞ്ഞു.
തന്റെ വിരമിക്കല് കാര്യം പറഞ്ഞപ്പോള് അദ്ദേഹം എനിക്കും പടിയിറങ്ങാനുള്ള നിര്ദ്ദേശം ലഭിച്ചിട്ടുണ്ടെന്ന് പറഞ്ഞത് കേട്ട് ഞാന് ഞെട്ടിപ്പോയെന്നും സ്റ്റോക്സ് പറഞ്ഞു.
content highlights: 'It's My Fault': Ben Stokes Blames Himself for England's Defeat
