LIVE TV
രോഹിത് ശര്മയും വിരാട് കോഹ്ലിയും ഏകദിന ക്രിക്കറ്റ് ലോകകപ്പ് കളിക്കട്ടെയെന്ന് മുന് ഇന്ത്യന് ഓഫ് സ്പിന്നര് രവിചന്ദ്രന് അശ്വിന്. ഇരുവരുടെയും സാന്നിധ്യം ഇന്ത്യയെ കൂടുതല് ശക്തമായ ടീമാക്കി മാറ്റുമെന്നും രവിചന്ദ്രന് അശ്വിന് പറഞ്ഞു. മികച്ച അനുഭവ സമ്പത്തുള്ള താരങ്ങളാണ് കോഹ്ലിയും രോഹിത് ശര്മയുമെന്നും അദ്ദേഹം പറഞ്ഞു.
അടുത്തവര്ഷം ഒക്ടോബര്-നവംബര് മാസങ്ങളിലാണ് ഏകദിന ക്രിക്കറ്റ് ലോകകപ്പ് മത്സരങ്ങള് നടക്കുക. ദക്ഷിണാഫ്രിക്ക, സിംബാബ്വെ, നമീബിയ എന്നിവിടങ്ങളിലാണ് ലോകകപ്പ് നടക്കുക. ലോകകപ്പിനെത്തുമ്പോള് വിരാട് കോഹ്ലിക്ക് 39 വയസ്സാകും. രോഹിതിന് 40 വയസ്സുമാകും. എങ്കിലും ഇവരെ തഴയരുതെന്നാണ് അശ്വിന് പറയുന്നത്. കളിക്കാര് ഫിറ്റ്നസ് നിലനിര്ത്തുകയും ടീം മാനേജ്മെന്റ് പൂര്ണ പിന്തുണ നല്കുകയും ചെയ്താല് താരങ്ങള്ക്ക് പ്രചോദനമാകുമെന്നും അദ്ദേഹം പറഞ്ഞു.
കോഹ്ലിയും രോഹിത് ശര്മയും ലോകകപ്പ് മത്സരങ്ങള് കളിക്കാനുള്ള തയ്യാറെടുപ്പിലാണ്. അതിനുവേണ്ടിയുള്ള പരിശീലനം തുടരുകയാണ് താരങ്ങള്. വരാനിരിക്കുന്ന ഏകദിന മത്സരങ്ങളില് താരങ്ങള്ക്ക് തങ്ങളുടെ ഫിറ്റ്നസ് തെളിയിക്കേണ്ടത് അത്യാവശ്യമാണ്. ഇന്ത്യന് ടീമില് താരധാരാളിത്തമായതോടെ കോഹ്ലിയെയും രോഹിത് ശര്മയെയും ഉള്പ്പെടുത്തണോ എന്ന ചോദ്യവുമേറെയാണ്. ഇതിനിടെയാണ് രവിചന്ദ്രന് അശ്വിന് ഇരുവരെയും പിന്തുണച്ച് രംഗത്തെത്തിയത്.
content highlights: Let Rohit and Kohli play in the ODI Cricket World Cup - Ravichandran Ashwin
