LIVE TV
ഐപിഎല് ടിക്കറ്റുകള് കരിഞ്ചന്തയില് വിറ്റതുമായി ബന്ധപ്പെട്ട് ബെംഗളൂരു ചിന്നസ്വാമി സ്റ്റേഡിയത്തിലെ കാന്റീന് ജീവനക്കാരനെ പൊലീസ് അറസ്റ്റ് ചെയ്തു. ഏകദേശം 180ലധികം ടിക്കറ്റുകളാണ് ഇയാളില് നിന്ന് പിടിച്ചെടുത്തത്.
Chinnaswamy Stadium canteen staff was arrested for illegally selling tickets for RCB match.
— Mufaddal Vohra (@mufaddal_vohra) April 17, 2026
- He sold 181 tickets in black with each price ranging from 15,000 to 19,000. (NDTV).
ഇന്ത്യൻ പ്രീമിയർ ലീഗിൽ റോയല് ചലഞ്ചേഴ്സ് ബെംഗളൂരുവും ലഖ്നൗ സൂപ്പര് ജയന്റ്സും തമ്മിലുള്ള മത്സരത്തിനിടെയാണ് സംഭവം. സ്റ്റേഡിയത്തിനുള്ളിലെ ശ്രീ ലക്ഷ്മി കാന്റീനിലെ ജീവനക്കാരനായ ചന്ദ്രശേഖര് എന്നയാളാണ് പൊലീസിന്റെ പിടിയിലായത്. 15,000 രൂപ മുതല് 19,000 രൂപ വരെ ഈടാക്കിയാണ് ഇയാള് ടിക്കറ്റുകള് മറിച്ചു വിറ്റിരുന്നത്. ഐപിഎല് ടിക്കറ്റുകളുടെ ഒറിജിനല് വിലയേക്കാള് പലമടങ്ങ് അധികമാണിത്.
ചന്ദ്രശേഖറിനെ ചോദ്യം ചെയ്തതില് നിന്ന് കര്ണാടക സ്റ്റേറ്റ് ക്രിക്കറ്റ് അസോസിയേഷന് അംഗമായ ഗണേഷ് പരീക്ഷിത്താണ് ടിക്കറ്റുകള് നല്കിയതെന്ന് വ്യക്തമായി. ലാഭം വിഭജിച്ചെടുക്കാമെന്ന ധാരണയില് ടിക്കറ്റുകള് ഉയര്ന്ന വിലയ്ക്ക് വില്ക്കാന് ഇയാള് നിര്ദ്ദേശിക്കുകയായിരുന്നു. ഗണേഷ് പരീക്ഷിത്ത് നിലവില് ഒളിവിലാണ്. ഇയാള്ക്ക് വേണ്ടി പൊലീസ് തിരച്ചില് ഊര്ജ്ജിതമാക്കി.
Content Highlights: 180 IPL Tickets Sold Illegally, Bengaluru Chinnaswamy Stadium Canteen Staff Arrested
