LIVE TV
2026 ടി20 ലോകകപ്പിലെ ഇന്ത്യ- ഇംഗ്ലണ്ട് സെമിഫൈനല് പോരാട്ടത്തിനായി കാത്തിരിക്കുകയാണ് ആരാധകർ. മുംബൈയിലെ വാംഖഡെ സ്റ്റേഡിയത്തിൽ വ്യാഴാഴ്ച നടക്കാനിരിക്കുന്ന നിർണായക മത്സരത്തിന് മുന്നോടിയായി ഇന്ത്യൻ ടീമിന് മുന്നറിയിപ്പുമായി രംഗത്തെത്തിയിരിക്കുകയാണ് ഇന്ത്യയുടെ ഇതിഹാസതാരം സുനിൽ ഗവാസ്കർ. ഇംഗ്ലണ്ടിന്റെ ഓൾറൗണ്ടർ വിൽ ജാക്സ് സെമിഫൈനലിൽ ഇന്ത്യയ്ക്ക് വെല്ലുവിളിയാകാമെന്നാണ് ഗവാസ്കർ പറയുന്നത്.
'വാംഖഡെയില് ടേണ് ലഭിച്ചാല് ജാക്സ് കൂടുതൽ അപകടകാരിയാകും. ഏഴാമതായാണ് ജാക്സ് ക്രീസിലെത്തുന്നത്. ഇത് ഇംഗ്ലണ്ടിന് വലിയ പ്ലസ് പോയിന്റാണ്. സഞ്ജു സാംസണ്, ഹാര്ദ്ദിക് പാണ്ഡ്യ, സൂര്യകുമാര് അടങ്ങിയ വലം കയ്യന്മാര് എങ്ങനെ ജാക്സിനെ നേരിടുന്നു എന്നതിലായിരിക്കും ഇന്ത്യയുടെ സാധ്യത', ഗവാസ്കർ പറഞ്ഞു. സഞ്ജുവിന്റെ നിലവിലെ ഫോം ഇന്ത്യയ്ക്ക് മുതല്ക്കൂട്ടാകുമെന്നും ഇന്ത്യ വിജയിക്കുമെന്ന് തന്നെയാണ് പ്രതീക്ഷയെന്നും ഗവാസ്കര് വ്യക്തമാക്കി.
ടി20 ലോകകപ്പിൽ മികച്ച ഫോമിലാണ് ഇംഗ്ലണ്ടിന്റെ വിൽ ജാക്സ്. ടൂർണമെന്റിൽ ഇതുവരെ നാല് ‘പ്ലെയർ ഓഫ് ദ മാച്ച്’ പുരസ്കാരങ്ങൾ നേടിയ ജാക്സ് ബാറ്റിംഗിലും ബൗളിംഗിലും മികച്ച പ്രകടനം കാഴ്ചവെക്കുകയാണ്. ന്യൂസിലാൻഡിനെതിരെ 18 പന്തിൽ 32 റൺസ് നേടിയതും ശ്രീലങ്കക്കെതിരെ മൂന്ന് വിക്കറ്റ് നേടിയതും ജാക്സിന്റെ മികവ് തെളിയിക്കുന്നതാണ്.
Content Highlights: Sunil Gavaskar warns India ahead of semifinal says Will Jacks is Advantage for England
