Get the latest news at
your fingertips!
Download our app now
LIVE TV
Search
രണ്ടാം ടി 20 യിൽ ഇന്ത്യയ്ക്കെതിരെ മികച്ച ടോട്ടലുമായി ദക്ഷിണാഫ്രിക്ക. 20 ഓവറിൽ നാല് വിക്കറ്റ് മാത്രം നഷ്ടത്തിൽ 213 റൺസാണ് സന്ദർശകർ നേടിയത്.
46 പന്തിൽ ഏഴ് സിക്സറും അഞ്ചു ഫോറുകളും അടക്കം 90 റൺസ് നേടിയ ക്വിന്റൺ ഡി കോക്ക് ടോപ് സ്കോററായി. ഡൊനോവൻ ഫെരേര(30 ) എയ്ഡൻ മാർക്രം (29 ), ഡേവിഡ് മില്ലർ (20 ) എന്നിവരും തിളങ്ങി. വരുൺ ചക്രവർത്തി രണ്ട് വിക്കറ്റ് നേടി. ഇന്ത്യൻ നിരയിൽ ജസ്പ്രീത് ബുംറ അടക്കമുള്ള എല്ലാ ബോളർമാരും റൺസ് വാങ്ങികൂട്ടി.
നേരത്തെ ടോസ് ലഭിച്ച ഇന്ത്യൻ ക്യാപ്റ്റന് സൂര്യകുമാർ യാദവ് ഫീല്ഡിങ് തിരഞ്ഞെടുക്കുകയായിരുന്നു. ആദ്യമായി പുരുഷ അന്താരാഷ്ട്ര മത്സരത്തിന് വേദിയൊരുക്കുന്ന ചണ്ഡീഗഡിലെ മുല്ലന്പൂര് സ്റ്റേഡിയത്തിലാണ് മത്സരം. കട്ടക്കിൽ നടന്ന പരമ്പരയിലെ ആദ്യ മത്സരത്തിൽ കൂറ്റൻ വിജയം നേടിയ ഇന്ത്യ പരമ്പരയിൽ 1-0ന് മുന്നിലാണ്. അഞ്ച് മത്സരങ്ങളാണ് പരമ്പരയിലുള്ളത്.
Content Highlights: IND vs 2NDT20: DE kock hits
