LIVE TV
ഇന്ത്യയ്ക്കെതിരായ ഒന്നാം ഏകദിനത്തിൽ തകർപ്പൻ ക്യാച്ചുമായി ദക്ഷിണാഫ്രിക്കൻ ക്രിക്കറ്റ് താരം ഡെവാൾഡ് ബ്രവീസ്. ഇന്ത്യൻ താരം റുതുരാജ് ഗെയ്ക്ക്‌വാദിനെ പോയിന്റിൽ പറന്നുപിടിച്ചാണ് ബ്രെവീസ് അത്ഭുതപ്പെടുത്തിയത്. ദക്ഷിണാഫ്രിക്കൻ മുൻ താരം ജോണ്ടി റോഡ്സിനെ ഓർമിപ്പിക്കുന്ന വിധത്തിലായിരുന്നു ബ്രെവീസിന്റെ ക്യാച്ച്.
മത്സരത്തിന്റെ 27-ാം ഓവറിലാണ് ബ്രെവീസിന്റെ തകർപ്പൻ ക്യാച്ച് പിറന്നത്. ഒട്ട്നീൽ ബാർട്ട്മാൻ എറിഞ്ഞ പന്തിൽ സ്ക്വയർ ഡ്രൈവിങ്ങിനായിരുന്നു റുതുരാജിന്റെ ശ്രമം. എന്നാൽ റുതുരാജിന്റെ ശ്രമങ്ങളെ വിഫലമാക്കി തകർപ്പനൊരു ഡൈവിങ്ങിലൂടെ ബ്രെവീസ് പന്ത് കൈപ്പിടിയിലാക്കി. 14 പന്ത് നേരിട്ട് എട്ട് റൺസ് മാത്രമാണ് റുതുരാജിന് നേടാനായത്.
Ruturaj Gaikwad falls for 8 as Dewald Brevis grabs a stunning catch at deep square leg.
— Aditya (@AdityaBhatia009) November 30, 2025
pic.twitter.com/oEQ9YwPNYc
ദക്ഷിണാഫ്രിക്കയ്ക്കെതിരായ ഒന്നാം ഏകദിനത്തിൽ ആദ്യം ബാറ്റ് ചെയ്യുന്ന ഇന്ത്യ മികച്ച സ്കോറിലേക്ക് നീങ്ങുകയാണ്. 30.3 ഓവർ പിന്നിടുമ്പോൾ ഇന്ത്യ നാല് വിക്കറ്റ് നഷ്ടത്തിൽ 200 റൺസെന്ന നിലയിലാണ്. സെഞ്ച്വറിക്കരിൽ നിൽക്കുന്ന വിരാട് കോഹ്‍ലിയും 57 റൺസെടുത്ത രോഹിത് ശർമയുമാണ് ഇന്ത്യൻ നിരയിൽ തിളങ്ങിയത്. ഇരുവരും ചേർന്ന രണ്ടാം വിക്കറ്റിൽ 136 റൺസ് കൂട്ടിച്ചേർത്തിരുന്നു.
Content Highlights: Insane stuff from Dewald Brevis, Reminds Jonty Rhodes
