

പാകിസ്താൻ, സിംബാബ്വെ, ശ്രീലങ്ക ടീമുകൾ പങ്കെടുത്ത ത്രിരാഷ്ട്ര ട്വന്റി 20 പരമ്പരയിൽ പാകിസ്താന് കിരീടം. ഫൈനലിൽ ശ്രീലങ്കയെ ആറ് വിക്കറ്റിന് പരാജയപ്പെടുത്തിയാണ് പാകിസ്താന്റെ കിരീടനേട്ടം. മത്സരത്തിൽ ആദ്യം ബാറ്റ് ചെയ്ത ശ്രീലങ്ക പാകിസ്താൻ 19.1 ഓവറിൽ 114 റൺസിൽ എല്ലാവരും പുറത്തായി. 18.4 ഓവറിൽ നാല് വിക്കറ്റ് നഷ്ടത്തിൽ പാകിസ്താൻ ലക്ഷ്യത്തിലെത്തി.
നേരത്തെ ടോസ് നേടിയ പാകിസ്താൻ ബൗളിങ് തിരഞ്ഞെടുക്കുകയായിരുന്നു. 59 റൺസെടുത്ത കാമിൽ മിശ്ര മാത്രമാണ് ലങ്കൻ നിരയിൽ ഭേദപ്പെട്ട പ്രകടനം കാഴ്ചവെച്ചത്. കുശൽ മെൻഡിസ് 14 റൺസും പത്തും നിസങ്ക 11 റൺസും നേടി. ശ്രീലങ്കയുടെ എട്ട് താരങ്ങൾക്ക് രണ്ടക്കം കടക്കാൻ സാധിച്ചില്ല. പാകിസ്താനായി മുഹമ്മദ് നവാസും ഷഹീൻ അഫ്രീദിയും മൂന്ന് വീതം വിക്കറ്റുകളെടുത്തു.
മറുപടി ബാറ്റിങ്ങിൽ പാകിസ്താനായി എല്ലാവരും ഭേദപ്പെട്ട നിലയിൽ സ്കോർ ചെയ്തു. പുറത്താകാതെ 37 റൺസെടുത്ത ബാബർ അസമാണ് ടോപ് സ്കോറർ. സയീം അയൂബ് 36 റൺസെടുത്തു. ഒരു ഘട്ടത്തിൽ ഒരു വിക്കറ്റിന് 74 എന്ന നിലയിലായിരുന്നു പാകിസ്താൻ. പിന്നീട് വിജയത്തിലേക്കുള്ള വഴിയിൽ മൂന്ന് വിക്കറ്റുകൾ കൂടി നഷ്ടമായി.
Content Highlights: PAK Trounce SL By 6 Wickets In Finals To Clinch Trophy