44 സെക്കന്റിൽ ​ഒരു ​ഗോളിന് പിന്നിൽ; അതിനുശേഷം ബാഴ്സയുടെ തിരിച്ചുവരവ്, അലാവെസിനെ തോൽപ്പിച്ചു

26-ാം മിനിറ്റിൽ ഡാനി ഒൾമോയുടെ ​ഗോളിൽ ബാഴ്സ മുന്നിലെത്തി

44 സെക്കന്റിൽ ​ഒരു ​ഗോളിന് പിന്നിൽ; അതിനുശേഷം ബാഴ്സയുടെ തിരിച്ചുവരവ്, അലാവെസിനെ തോൽപ്പിച്ചു
dot image

സ്പാനിഷ് ലാ ലീ​ഗ ഫുട്ബോളിൽ തകർപ്പൻ തിരിച്ചുവരവുമായി ബാഴ്സലോണ. അലാവെസിനെ ഒന്നിനെതിരെ മൂന്ന് ​ഗോളുകൾക്ക് പരാജയപ്പെടുത്തിയാണ് ബാഴ്സലോണ വിജയം ആഘോഷിച്ചത്. മത്സരത്തിന്റെ തുടക്കത്തിൽ വെറും 44 സെക്കന്റിൽ ബാഴ്സ ഒരു ​ഗോളിന് പിന്നിലായിരുന്നു. അതിനുശേഷം ആദ്യ 26 മിനിറ്റിനുള്ളിൽ തന്നെ രണ്ട് ​ഗോളുകൾ തിരിച്ചടിച്ച് ബാഴ്സ മത്സരം തിരിച്ചുപിടിക്കുകയും ചെയ്തു. ഇഞ്ച്വറി ടൈമിൽ 93-ാം മിനിറ്റിൽ ഡാനി ഒൾമോയുടെ ​ഗോളോടെയാണ് മത്സരം അവസാനിച്ചത്. മത്സരത്തിൽ ഒൾമോ രണ്ട് ഗോളുകൾ നേടി.

മത്സരത്തിന്റെ ആദ്യ മിനിറ്റിൽ പാബ്ലോ ഇബാനെസിന്റെ ​ഗോളിൽ അലാവെസ് മത്സരത്തിൽ മുന്നിലെത്തി. എന്നാൽ അലാവെസിന്റെ മുന്നേറ്റം എട്ടാം മിനിറ്റ് വരെയെ നീണ്ടുള്ളൂ. ലമീൻ യമാലിന്റെ ​ഗോളിൽ ബാഴ്സ സമനില പിടിച്ചു. പിന്നാലെ 26-ാം മിനിറ്റിൽ ഡാനി ഒൾമോയുടെ ​ഗോളിൽ ബാഴ്സ മുന്നിലെത്തി. ഒടുവിൽ 93-ാം മിനിറ്റിൽ മറ്റൊരു ​ഗോൾ നേടി ഒൾമോ തന്നെയാണ് മത്സരം ഫിനിഷ് ചെയ്തത്.

വിജയത്തോടെ ലാ ലീ​ഗ പോയിന്റ് പട്ടികയിൽ ബാഴ്സലോണ ഒന്നാമതെത്തി. 14 മത്സരങ്ങളിൽ 11 ജയവും ഒരു സമനിലയും രണ്ട് തോൽവിയുമുള്ള ബാഴ്സയ്ക്ക് 34 പോയിന്റുണ്ട്. 13 മത്സരങ്ങളിൽ 10 ജയവും രണ്ട് സമനിലയും ഒരു തോൽവിയുമുള്ള റയൽ മാഡ്രിഡ് 32 പോയിന്റുമായി തൊട്ടുപിന്നിലുണ്ട്.

Content Highlights: Dani Olmo Brace Sets Up Blaugrana Win

dot image
To advertise here,contact us
dot image