Get the latest news at
your fingertips!
Download our app now
LIVE TV
Search
ഇന്ത്യയുടെ സൂപ്പർ താരങ്ങളായ രോഹിത് ശർമയുടെയും വിരാട് കോഹ്ലിയുടെയും ഭാവി തീരുമാനിക്കുന്നതിന് വേണ്ടി പ്രത്യേക യോഗം ചേരാൻ ബിസിസിഐ. ഡിസംബർ ആറിന് വിശാഖപട്ടണത്ത് നടക്കാനിരിക്കുന്ന ഇന്ത്യ- ദക്ഷിണാഫ്രിക്ക മൂന്നാം ഏകദിനമത്സരം കഴിഞ്ഞതിന് ശേഷമായിരിക്കും യോഗം ചേരുകയെന്നാണ് റിപ്പോർട്ട്. സെലക്ടർമാർ ഉൾപ്പെടെ പങ്കെടുക്കുന്ന പ്രത്യേകയോഗത്തിൽ പരിശീലകൻ ഗൗതം ഗംഭീറും ചീഫ് സെലക്ടർ അജിത് അഗാർക്കറും പങ്കെടുക്കും. 2027 ലോകകപ്പിലെ കോഹ്‍ലിയുടേയും രോഹിത്തിന്റേയും പങ്കാളിത്തം ഉൾപ്പെടെ യോഗത്തിൽ ചർച്ചയാവും.
ഏകദിനങ്ങളിൽ മാത്രം സജീവമായ രോഹിത്തും കോഹ്ലിയും തങ്ങളുടെ 2027 ലെ ലോകകപ്പ് സാധ്യതകളെക്കുറിച്ച് ഇതുവരെ ഒരു ചർച്ചയും നടത്തിയിട്ടില്ല. എന്നാൽ ഫോർമാറ്റിൽ രോഹിത്തിന്റേയും കോഹ്‍ലിയുടേയും പങ്കിനെ സംബന്ധിച്ച് അവർക്ക് കൃത്യമായ ധാരണ നൽകുന്നതിന് വേണ്ടിയാണ് യോഗം ചേരുന്നതെന്ന് ബിസിസിഐ വൃത്തങ്ങളെ ഉദ്ധരിച്ച് ടൈംസ് ഓഫ് ഇന്ത്യ റിപ്പോർട്ട് ചെയ്തു. മറ്റ് വിവാദങ്ങൾക്ക് ചെവികൊടുക്കുകയോ പ്രതികരിക്കുകയോ ചെയ്യുന്നതിന് പകരം നിലവിൽ ഫിറ്റ്നസിൽ ശ്രദ്ധിക്കാനാണ് രോഹിത്തിന് ബിസിസിഐ നൽകിയിരിക്കുന്ന നിർദേശം.
ഓസ്ട്രേലിയയ്ക്കെതിരെ നടന്ന ഏകദിന പരമ്പരയിലാണ് ഇരുതാരങ്ങളും അവസാനമായി കളിച്ചത്. 202 റൺസ് നേടിയ രോഹിത്തായിരുന്നു ടൂർണമെന്റിൽ ടോപ് സ്കോറർ. ആദ്യ രണ്ട് മത്സരങ്ങളിൽ പൂജ്യത്തിന് പുറത്തായ കോഹ്‍ലി അവസാന ഏകദിനത്തിൽ 74 റൺസെടുത്തു. നിലവിൽ ദക്ഷിണാഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഒരുക്കത്തിലാണ് രോഹിത്തും കോഹ്ലിയും.
Content Highlights: BCCI To Hold Meeting On Virat Kohli, Rohit Sharma's Future
