Get the latest news at
your fingertips!
Download our app now
LIVE TV
Search
അടുത്ത മാസം നടക്കുന്ന ദക്ഷിണാഫ്രിക്ക, സിംബാബ്‍വെ ടീമുകൾ ഉൾപ്പെടുന്ന ത്രിരാഷ്ട്ര ട്വന്റി 20 പരമ്പരയ്ക്കുള്ള ടീമിനെ പ്രഖ്യാപിച്ച് ന്യൂസിലാൻഡ് ക്രിക്കറ്റ്. മുൻ നായകൻ കെയ്ൻ വില്യംസൺ, ലോക്കി ഫെർഗൂസൺ, ബെൻ സിയേഴ്സ് തുടങ്ങിയവർ ഇല്ലാതെയാണ് ന്യൂസിലാൻഡ് ടീമിനെ പ്രഖ്യാപിച്ചിരിക്കുന്നത്. വില്യംസൺ പരമ്പരയിൽ നിന്ന് പിന്മാറിയെന്നാണ് റിപ്പോർട്ടുകൾ. ഫെർഗുസണിന് ജോലി ഭാരം കുറയ്ക്കുന്നതിന്റെ ഭാഗമായും സിയേഴ്സിന് പരിക്കിനെ തുടർന്നുമാണ് ടീമിൽ ഇടം ലഭിക്കാതിരുന്നത്.
അതിനിടെ ഗ്ലെൻ ഫിലിപ്സ്, രചിൻ രവീന്ദ്ര, മിച്ചൽ സാന്റനർ എന്നിവർ ന്യൂസിലാൻഡ് ടീമിലേക്ക് മടങ്ങിയെത്തി. മാർച്ചിൽ പാകിസ്താനെതിരെ നടന്ന ട്വന്റി 20 പരമ്പരയിൽ ഇവർ കളിച്ചിരുന്നില്ല. ഐപിഎൽ കരാറിന്റെ ഭാഗമായിരുന്നതിനാലാണ് മൂന്ന് താരങ്ങൾക്കും പാകിസ്താനെതിരായ പരമ്പരയിൽ കളിക്കാൻ കഴിയാതിരുന്നത്.
ദക്ഷിണാഫ്രിക്ക, സിംബാബ്‍വെ എന്നീ ടീമുകൾ ഉൾപ്പെടുന്ന ത്രിരാഷ്ട്ര പരമ്പരയ്ക്കുള്ള ന്യൂസിലാൻഡ് ടീം: മിച്ചൽ സാന്റനർ (ക്യാപ്റ്റൻ), ഫിൻ അലൻ, മിച്ചൽ ബ്രേസ്‍വെൽ, മാർക് ചാംപ്മാൻ, ജേക്കബ് ഡഫി, സാക്ക് ഫൗൾക്സ്, മാറ്റ് ഹെൻ‍റി, ബെവോൻ ജേക്കബ്സ്, ആദം മിൽനെ, ഡാരൽ മിച്ചൽ, വിൽ ഒ റൂക്ക്, ഗ്ലെൻ ഫിലിപ്സ്, രചിൻ രവീന്ദ്ര, ടിം സൈഫേർട്ട്, ഇഷ് സോധി.
Content Highlights: New Zealand announce T20I squad for tri-series against Zimbabwe, South Africa
