Get the latest news at
your fingertips!
Download our app now
LIVE TV
Search
ഇന്ത്യയുടെ പുതിയ ടെസ്റ്റ് ക്യാപ്റ്റനെ മെയ് 24ന് പ്രഖ്യാപിച്ചേക്കുമെന്ന് റിപ്പോര്‍ട്ട്. ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുള്ള ഇന്ത്യന്‍ ടീമിനെയും ശനിയാഴ്ച പ്രഖ്യാപിക്കുമെന്നാണ് ഇന്ത്യ ടുഡേ അടക്കമുള്ള ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ജൂണ്‍ 20 മുതല്‍ ഇംഗ്ലണ്ടിലെ ഹെഡിങ്‌ലിയിലാണ് പരമ്പര ആരംഭിക്കുന്നത്.
The Board of Control for Cricket in India (BCCI) is likely to unveil India's new Test captain and team for the forthcoming England trip on Saturday, May 24. The announcements are scheduled to be announced around noon following the selection committee meeting, with a press… pic.twitter.com/Owkz003AOx
— SPORTS WIZ (@mysportswiz) May 21, 2025
പ്രധാന സെലക്ഷന്‍ മീറ്റിംഗിന് ശേഷം ശനിയാഴ്ച ഉച്ചയോടെ നടക്കുന്ന വാര്‍ത്താസമ്മേളനത്തില്‍ തീരുമാനങ്ങള്‍ പ്രഖ്യാപിക്കുമെന്നാണ് പ്രതീക്ഷിക്കുന്നത്. ഉച്ചയ്ക്ക് 12 മണിയോടെ ഇന്ത്യയുടെ പുതിയ ടെസ്റ്റ് ക്യാപ്റ്റന്‍ ആരാണെന്ന പ്രഖ്യാപനം ഉണ്ടായേക്കുമെന്നാണ് ബിസിസിഐയുടെ അടുത്ത വൃത്തങ്ങളെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്യുന്നത്.
രോഹിത് ശര്‍മ ടെസ്റ്റ് ക്രിക്കറ്റില്‍ നിന്ന് വിരമിച്ചതിന് പിന്നാലെയാണ് ഇന്ത്യയുടെ ക്യാപ്റ്റന്‍ സ്ഥാനത്തേക്ക് പുതിയ താരത്തെ ബിസിസിഐ തേടുന്നത്. നിലവിലെ റിപ്പോര്‍ട്ടുകള്‍ പ്രകാരം ശുഭ്മാന്‍ ഗില്ലും റിഷഭ് പന്തുമാണ് രോഹിത് ശര്‍മയുടെ പിന്‍ഗാമിയായി ബിസിസിഐ പരിഗണിക്കുന്നത്. മുന്‍പ് ഈ സ്ഥാനത്തേക്ക് പരിഗണിച്ചിരുന്ന സ്റ്റാര്‍ പേസര്‍ ജസ്പ്രിത് ബുംമ്ര ജോലിഭാരവും ഫിറ്റ്‌നസും കാരണം പിന്മാറിയെന്നാണ് കരുതുന്നത്.
Content Highlights: India likely to announce Test captain on May 24: Report
