യുഎസ് ഓപ്പൺ വനിതാ വിഭാ​ഗം കിരീടം കൊക്കോ ​ഗോഫിന്

ലോക ഒന്നാം നമ്പറും രണ്ടാം സീഡുമായ ആര്യാന സബലങ്കയെ പരാജയപ്പെടുത്തിയാണ് കൊക്കോയുടെ കിരീട നേട്ടം.
യുഎസ് ഓപ്പൺ വനിതാ വിഭാ​ഗം കിരീടം കൊക്കോ ​ഗോഫിന്

ന്യൂയോർക്: യുഎസ് ഓപ്പൺ ടെന്നീസ് വനിതാ വിഭാ​ഗം കിരീടം അമേരിക്കയുടെ കൊക്കോ ​ഗോഫിന്. ലോക ഒന്നാം നമ്പറും രണ്ടാം സീഡുമായ ആര്യാന സബലങ്കയെ പരാജയപ്പെടുത്തിയാണ് കൊക്കോയുടെ കിരീട നേട്ടം. സ്കോർ 2-6, 6-3, 6-2 19കാരിയായ കൊക്കോയുടെ ആദ്യ ​ഗ്രാൻഡ് സ്ലാം കീരീടമാണിത്. സെറീന വില്യംസിന് ശേഷം യുഎസ് ഓപ്പൺ കിരീടം സ്വന്തമാക്കുന്ന ആദ്യ ടീനേജറുമായി ഇതോടെ കൊക്കോ ​ഗോഫ്.

മൂന്ന് സെറ്റ് നീണ്ട പോരാട്ടത്തിൽ ആദ്യ സെറ്റിൽ സബലങ്കയുടെ ആധിപത്യമായിരുന്നു. 6-2 നേടി ആദ്യ സെറ്റ് സ്വന്തമാക്കിയ സബലങ്കയെ രണ്ടാം സെറ്റിൽ കൊക്കോ തിരിച്ചടിച്ചു. 6-3 നേടി മത്സരത്തിൽ ഒപ്പമെത്തി. മൂന്നാം സെറ്റിലും ആധിപത്യം തുടർന്ന കൊക്കോ രണ്ട് മണിക്കൂർ നീണ്ട പോരാട്ടത്തിനൊടുവിൽ കിരീടം സ്വന്തമാക്കുകയായിരുന്നു. യുഎസ് ഓപ്പൺ കിരീടനേട്ടത്തോടെ ലോക റാങ്കിങ്ങിൽ മൂന്നാം സ്ഥാനത്തേക്ക് കൊക്കോ ഉയരും.

നാളെയാണ് യുഎസ് ഓപ്പണിൽ പുരുഷ സിം​ഗിൾസ് ഫൈനൽ. നാലാം കിരീടം ലക്ഷ്യമിടുന്ന സെർബിയൻ ഇതിഹാസം നൊവാക് ജോകോവിച്ച് റഷ്യയുടെ ഡാനിൽ മെദ്‍വദേവിനോട് ആണ് ഏറ്റമുട്ടുക.

Related Stories

No stories found.
logo
Reporter Live
www.reporterlive.com