വൈശാഖ് സംവിധാനം ചെയ്യുന്ന പുതിയ മമ്മൂട്ടി ചിത്രമാണ് ടർബോ. ആക്ഷൻ- കോമഡി എൻ്റർടെയ്നറായ ചിത്രത്തിന്റെ പുതിയ ഷെഡ്യൂൾ ചെന്നൈയിൽ ആരംഭിച്ചു. സിനിമയിലെ സുപ്രധാനമായ ആക്ഷൻ രംഗങ്ങൾ അടങ്ങുന്ന ഷെഡ്യൂളാണ് ചെന്നൈയിൽ നടക്കുന്നത്. ടർബോയുടെ പുതിയ ഷെഡ്യൂൾ വരുന്ന ആഴ്ചയോടെ പൂർത്തിയാക്കാനുളള പദ്ധതിയിലാണ് അണിയറപ്രവര്‍ത്തകര്‍.
നേരത്തെ സിനിമയിലെ ലൊക്കേഷൻ വീഡിയോ സോഷ്യൽ മീഡിയയിൽ ശ്രദ്ധ നേടിയിരുന്നു. കന്നഡ നടൻ രാജ് ബി ഷെട്ടി ഉൾപ്പെടുന്ന ഒരു സംഘട്ടന രംഗമാണ് വിഡിയോയിലുള്ളത്. വിയറ്റ്നാം ഫൈറ്റേഴ്സാണ് ഒപ്പം വീഡിയോയിൽ. വിയറ്റ്നാം ഫൈറ്റേഴ്സിനൊപ്പം നിൽക്കുന്ന ചിത്രം സംവിധായകൻ തന്നെ പങ്കുവെച്ചിരുന്നു. കോടികൾ മുടക്കി ചിത്രീകരിക്കുന്ന ആക്ഷൻ രംഗങ്ങളാകും സിനിമയുടെ ഹൈലൈറ്റ് എന്നാണ് സൂചന.
ഹോളിവുഡ് സിനിമകളിലെ ചേസിങ് സീനുകളിൽ ഉപയോഗിക്കുന്ന ഡിസ്‌പ്ലേ മോഷൻ ബ്ലർ മെഷർമെന്റിന് അനുയോജ്യമായ 'പർസ്യുട്ട് ക്യാമറ' ടർബോയിൽ ഉപയോഗിക്കുന്നുണ്ട്. 200 കിമീ സ്പീഡ് ചേസിങ് വരെ ഇതിൽ ചിത്രീകരിക്കാം. 'ട്രാൻഫോർമേഴ്‌സ്', 'ഫാസ്റ്റ് ആൻഡ് ഫ്യൂരിയസ്' പോലുള്ള ഹോളിവുഡ് ചിത്രങ്ങളിൽ ഉപയോഗിച്ച ക്യാമറയാണിത്. ബോളിവുഡിൽ 'പഠാൻ' ഉൾപ്പെടെയുള്ള ചിത്രങ്ങളിൽ പർസ്യുട്ട് ക്യാമറ ഉപയോഗിച്ചിട്ടുണ്ട്.
