LIVE TV
പണം സമ്പാദിക്കുന്നതിനൊപ്പം നിക്ഷേപിക്കുന്നതും സാധാരണമാണ്. സ്വര്ണമായും പണമായും റിയല് എസ്റ്റേറ്റ്, ഓഹരിവിപണി അങ്ങനെ പലതിലും ആളുകള് നിക്ഷേപങ്ങള് നടത്താറുണ്ട്. ഇനി സ്വര്ണത്തിന്റെ കാര്യമെടുത്താല് ഇന്ത്യക്കാര് സ്വര്ണ്ണത്തെ ഒരു ആഭരണ വസ്തുവായി മാത്രമല്ല നല്ലൊരു നിക്ഷേപ മാര്ഗമായും കാണുന്നു. ഏറ്റവും കൗതുകകരമായ കാര്യം പുത്തന് തലമുറയിലെ Gen Z അഥവാ ജെന്സികളും നിക്ഷേപം നടത്താന് മുന്പന്തിയിലാണെന്നാണ്. അതും ഡിജിറ്റല് സ്വര്ണ്ണത്തില് നിക്ഷേപിക്കാനാണ് അവര്ക്ക് കൂടുതല് താല്പര്യമത്രേ. വെറും 100 രൂപ മുതല് ഡിജിറ്റല് സ്വര്ണ്ണത്തില് നിക്ഷേപം നടത്താം.
വേള്ഡ് ഗോള്ഡ് കൗണ്സിലിന്റെ (WGC) ഗോള്ഡന് ഫ്ലൈറ്റ് 2047 റിപ്പോര്ട്ട് അനുസരിച്ച് സമീപഭാവിയില് ഇന്ത്യയുടെ സ്വര്ണ്ണ വിപണിയില് Gen Z ഒരു പ്രധാന പങ്ക് വഹിക്കുമെന്നാണ് പറയപ്പെടുന്നത്. ഇന്നത്തെ തലമുറ നിക്ഷേപത്തില് താല്പര്യമുള്ളവരാണെന്നും സമ്പത്ത് വര്ദ്ധിപ്പിക്കുന്നതിനുള്ള ഒരു നല്ല ഓപ്ഷനായി സ്വര്ണ്ണത്തെയും പരിഗണിക്കുന്നുവെന്നും റിപ്പോര്ട്ടുകള് പറയുന്നു.
റിപ്പോര്ട്ട് അനുസരിച്ച് സ്വര്ണ്ണവും ആഭരണങ്ങളും വാങ്ങുന്നതിനേക്കാള് ഡിജിറ്റല് സ്വര്ണ്ണം, ഗോള്ഡ് ഇടിഎഫുകള്, സോവറിന് ഗോള്ഡ് ബോണ്ടുകള് (എസ്ജിബി) എന്നിവയില് Gen Z ഇപ്പോള് കൂടുതല് താല്പ്പര്യം കാണിക്കുന്നു. ഡിജിറ്റല് സ്വര്ണ്ണം കുറഞ്ഞ പണത്തില് നിക്ഷേപം നടത്താന് യുവാക്കളെ സഹായിക്കുന്നു. വീട്ടില് സ്വര്ണ്ണം സൂക്ഷിക്കുന്നതിനെക്കുറിച്ചുള്ള ആശങ്കയും ഇത് കുറച്ചിട്ടുണ്ട്.
100 രൂപയ്ക്കും ഡിജിറ്റല് സ്വര്ണ്ണത്തില് നിക്ഷേപം നടത്താമെന്നതാണ് ഇതിന്റെ ഏറ്റവും വലിയ നേട്ടം.
ഇതോടൊപ്പം മിക്ക പ്ലാറ്റ്ഫോമുകളും 24 കാരറ്റ് 99.9 ശതമാനം ശുദ്ധമായ സ്വര്ണ്ണം നല്കുന്നു.
ഡിജിറ്റല് സ്വര്ണ്ണം സൂക്ഷിക്കുന്നതും സുരക്ഷിതമായാണ്. അത് ലോക്കറിലോ വീട്ടിലോ സൂക്ഷിക്കേണ്ട ആവശ്യമില്ല. ആവശ്യമെങ്കില് അത് എപ്പോള് വേണമെങ്കിലും വില്ക്കാനും സാധിക്കും.
Content Highlights : It appears that the new generation—Gen Z—is also at the forefront of investing, with a particular interest in digital gold.
