Top

'ഞങ്ങള്‍ക്കും ദേശീയ അദ്ധ്യക്ഷനായി രാഹുല്‍ ഗാന്ധിയെ തന്നെ മതി'; ഗുജറാത്ത് കോണ്‍ഗ്രസ്

18 Sep 2022 4:41 PM GMT
റിപ്പോർട്ടർ നെറ്റ്‌വർക്ക്

ഞങ്ങള്‍ക്കും ദേശീയ അദ്ധ്യക്ഷനായി രാഹുല്‍ ഗാന്ധിയെ തന്നെ മതി; ഗുജറാത്ത് കോണ്‍ഗ്രസ്
X

ഗാന്ധിനഗര്‍: ദേശീയ അദ്ധ്യക്ഷനായി രാഹുല്‍ ഗാന്ധി വരണമെന്ന് ആവശ്യപ്പെട്ട് ഗുജറാത്ത് കോണ്‍ഗ്രസ്. സംസ്ഥാന കോണ്‍ഗ്രസ് എക്‌സിക്യൂട്ടീവ് സമിതിയിലാണ് ഇക്കാര്യം ആവശ്യപ്പെട്ട് പ്രമേയം വന്നത്. സമിതിയിലെ മുഴുവന്‍ അംഗങ്ങളും ഇക്കാര്യത്തില്‍ ഒറ്റക്കെട്ടായി പ്രമേയം പാസ്സാക്കി.

സമിതിയിലെ എല്ലാ അംഗങ്ങള്‍ക്കും രാഹുല്‍ ഗാന്ധി അദ്ധ്യക്ഷനായി വരണമെന്ന വികാരമാണുള്ളത്. ഇക്കാര്യം ദേശീയ നേതൃത്വത്തിന് മുമ്പില്‍ അവതരിപ്പിക്കുമെന്ന് മുഖ്യവക്താവ് മനീഷ് ദോഷി പറഞ്ഞു.

'ഇന്ത്യയുടെ ഭാവിയും യുവജനങ്ങളുടെ ശബ്ദവുമായ രാഹുല്‍ ഗാന്ധി ഇന്ത്യന്‍ നാഷണല്‍ കോണ്‍ഗ്രസിന്റെ അദ്ധ്യക്ഷനാവണം. സംസ്ഥാന എക്‌സിക്യൂട്ടീവ് യോഗത്തില്‍ പങ്കെടുത്ത എല്ലാ നേതാക്കളും ആവേശത്തോടെ ഇക്കാര്യം ആവശ്യപ്പെട്ടു', യോഗത്തിന് ശേഷം ഗുജറാത്ത് കോണ്‍ഗ്രസ് പുറത്തിറക്കിയ പ്രസ്താവനയില്‍ പറഞ്ഞു.

നേരത്തെ ചത്തീസ്ഗഡ്, രാജസ്ഥാന്‍ കോണ്‍ഗ്രസ് സമിതികളും ദേശീയ അദ്ധ്യക്ഷനായി രാഹുല്‍ ഗാന്ധിയെ ആവശ്യപ്പെട്ടിരുന്നു. സംസ്ഥാന അദ്ധ്യക്ഷന്‍ ജഗദീഷ് താക്കോറിന്റെ നേതൃത്വത്തില്‍ വരുന്ന തെരഞ്ഞെടുപ്പില്‍ സംസ്ഥാനത്തെ 182 സീറ്റില്‍ 125 സീറ്റിലും വിജയിക്കാന്‍ കഴിയാവുന്നതിനെ കുറിച്ചും സമിതിയില്‍ ചര്‍ച്ച നടന്നു.

Story Highlights: The Gujarat Congress on Sunday demanded that Rahul Gandhi be made the party's national president

Next Story