'കർണാടക സ്കൂളുകളിലേക്ക് ഭ​ഗവദ് ​ഗീതയും'; ആലോചനകൾ നടക്കുന്നതായി വിദ്യാഭ്യാസ മന്ത്രി

ബം​ഗളൂരു: കർണാടകയിൽ സ്കൂൾ സിലബസിൽ ഭ​ഗവത് ​ഗീതയുടെ ഭാ​ഗങ്ങൾ ഉൾപ്പെടുത്താൻ ആലോചനകൾ. സംസ്ഥാന വിദ്യാഭ്യാസ മന്ത്രി ബിസി നാ​ഗേഷ് ആണ് ഇക്കാര്യം വ്യക്തമാക്കിയത്. ഇത് സംബന്ധിച്ച് വിദ്യാഭ്യാസ വിദ​ഗ്ധരുമായി ചർച്ച നടത്തുമെന്നും കർണാടക വിദ്യാഭ്യാസ മന്ത്രി പറഞ്ഞു. ​സമാന നീക്കം ​ഗുജറാത്ത് നടത്തുന്നുണ്ടെന്നും ഇദ്ദേഹം ചൂണ്ടിക്കാട്ടി.

​ഗുജറാത്തിൽ മൂന്ന് മുതൽ നാല് ഘട്ടങ്ങളിലായി സദാചാര മൂല്യം അവതരിപ്പിക്കാൻ അവർ തീരുമാനിച്ചു. ആദ്യ ഘട്ടത്തിൽ ഭ​ഗവദ്​ഗീത അവതരിപ്പിക്കാനാണ് അവരുടെ തീരുമാനം. അതാണ് ഇന്നെന്റെ ശ്രദ്ധയിൽ പെട്ടത്.ഇത് സംബന്ധിച്ച് മുഖ്യമന്ത്രി ബസവരാജ് ബൊമ്മയുമായി ചർച്ച നടത്തിയ ശേഷമേ തീരുമാനമെടുക്കൂ, ബിസി നാ​ഗേഷ് മാധ്യമങ്ങളോട് പറഞ്ഞു. കുട്ടികളിൽ ധാർമ്മിക ബോധം വളർത്താനുള്ള പദ്ധതികൾ നടപ്പാക്കാൻ നിരവധി പേർ തന്നോട് ആവശ്യപ്പെട്ടിരുന്നു.

മഹാത്മാ ​ഗാന്ധിയുൾപ്പെടെയുള്ളവരെ രാമായണം, ഭ​ഗവദ്​ഗീത ഉൾപ്പെടെയുള്ള പുരാണങ്ങൾ സ്വാധീനിച്ചിട്ടുണ്ട്. ഇന്ത്യയിൽ സ്കൂളുകളും യൂണിവേഴ്സിറ്റികളും ഇല്ലാതിരുന്ന കാലത്ത് മൂല്യ ബോധം പകർന്നത് ഈ പുരാണങ്ങളിലൂടെയാണെന്നും മന്ത്രി പറഞ്ഞു. ഭ​ഗവദ്​ഗീതയ്ക്ക് പുറമെ ബൈബിൾ, ഖുറാൻ എന്നീ മത​ഗ്രന്ഥങ്ങളിലെ ഭാ​ഗങ്ങളും വിദ​ഗ്ധാഭിപ്രായ പ്രകാരം ധാർമ്മിക മൂല്യ പഠനത്തിൽ ഉൾപ്പെടുത്തുന്നതിനെ പറ്റി ആലോചിക്കുമെന്നും മന്ത്രി പറഞ്ഞു.

story highlight: Karnataka govt mulls introducing Bhagwat gita in state school