Get the latest news at
your fingertips!
Download our app now
LIVE TV
Search
കഴിഞ്ഞ ആഴ്ച ഓഹരി വിപണിയില്‍ പത്തു മുന്‍നിര കമ്പനികളില്‍ ഏഴെണ്ണത്തിന്റെ വിപണി മൂല്യത്തില്‍ വര്‍ധന. വിപണി മൂല്യത്തില്‍ 1,18,328 കോടിയുടെ വര്‍ധനയാണ് രേഖപ്പെടുത്തിയത്. സെന്‍സെക്സ് 721 പോയിന്റ് ആണ് കഴിഞ്ഞ ആഴ്ച മുന്നേറിയത്.
ഏറ്റവുമധികം നേട്ടം ഉണ്ടാക്കിയത് എസ്ബിഐയും ഭാരതി എയര്‍ടെലുമാണ്. എസ്ബിഐയ്ക്കും ഭാരതി എയര്‍ടെല്ലിനും പുറമേ റിലയന്‍സ് ഇന്‍ഡസ്ട്രീസും എച്ച്ഡിഎഫ്സി ബാങ്കും ടിസിഎസും ഇന്‍ഫോസിസും എല്‍ഐസിയുമാണ് നേട്ടം കൊയ്തത്. എസ്ബിഐയുടെ മാത്രം വിപണി മൂല്യത്തില്‍ 35,953 കോടിയുടെ വര്‍ധനയാണ് രേഖപ്പെടുത്തിയത്. ഭാരതി എയര്‍ടെല്‍ 33,214 കോടി, റിലയന്‍സ് 17,389 കോടി, ടിസിഎസ് 12,952 കോടി, എല്‍ഐസി 12,460 കോടി, ഇന്‍ഫോസിസ് 6,127 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില്‍ ഉണ്ടായ വര്‍ധന.
അതേസമയം ബജാജ് ഫിനാന്‍സ്, ഐസിഐസിഐ ബാങ്ക്, ഹിന്ദുസ്ഥാന്‍ യൂണിലിവര്‍ ഓഹരികള്‍ നഷ്ടം നേരിട്ടു. ബജാജ് ഫിനാന്‍സിന്റെ വിപണി മൂല്യത്തില്‍ 6,346 കോടിയുടേയും ഹിന്ദുസ്ഥാന്‍ യൂണിലിവറിന് 5,039 കോടിയുടേയും ഐസിഐസിഐ ബാങ്കിന് 10,707 കോടിയുടേയും ഇടിവ് നേരിട്ടു.
Content Highlights: Seven companies gained in market value last week
