Get the latest news at
your fingertips!
Download our app now
LIVE TV
Search
ശരിയായി ഭക്ഷണം കഴിച്ചാലും വയറില്‍ ഗ്യാസ് ഉരുണ്ടുകൂടി അസ്വസ്ഥതയുണ്ടാവുന്നവര്‍ ഒരുപാടുണ്ട്. ഭക്ഷണത്തിന് പിന്നാലെ വയറ് വീര്‍ക്കുകയും വയറുവേദന ഉണ്ടാവുകയും ചെയ്യുന്നത് ഏറ്റവും വലിയ ബുദ്ധിമുട്ടുതന്നെയാണ്. പല വിധത്തിലുളള ബുദ്ധിമുട്ടുകള്‍ ഉണ്ടാക്കാന്‍ 'ബ്ലോട്ടിംഗ്' എന്ന് അറിയപ്പെടുന്ന വയറിലെ ഗ്യാസ്‌കെട്ടലിന് സാധിക്കും. നാം കഴിക്കുന്ന ഭക്ഷണം, കഴിക്കുന്ന രീതി ഇവയെല്ലാം വയറില്‍ ഗ്യാസ് കെട്ടുന്നതിന് കാരണമാകുന്നു.
ഭക്ഷണം കഴിക്കുന്നതുമൂലമുണ്ടാകുന്ന കാരണങ്ങള്‍ക്ക് പുറമേ ചില മെഡിക്കല്‍ അവസ്ഥകളും ഗ്യാസിന് കാരണമാകും. കുടല്‍ സംബന്ധമായ അസുഖങ്ങള്‍, ചെറുകുടലിലെ ബാക്ടീരിയയുടെ അമിത വളര്‍ച്ച, മലബന്ധം ഇവയും കാരണങ്ങളാണ്. വയറിലെ ഗ്യാസ്‌കെട്ടലിന് ആശ്വാസം കിട്ടാന്‍ ചില സിമ്പിള്‍ കാര്യങ്ങള്‍ ശ്രദ്ധിച്ചാല്‍ മതി.
വയറില്‍ ഗ്യാസ് കെട്ടിയിരിക്കുന്ന സമയത്ത് ചൂടുവെള്ളത്തില്‍ ഒന്ന് കുളിക്കുക. വെള്ളത്തിന്റെ ചൂട് ഗ്യാസ് കെട്ടലിനെ തടയാന്‍ ഒരു പരിധിവരെ സഹായിക്കും.
ഫൈബര്‍ അടങ്ങിയ ഭക്ഷണം കഴിക്കുന്നത് ഗ്യാസ് കെട്ടലിനെ ഒഴിവാക്കാന്‍ സഹായിക്കും. അതുകൊണ്ട് കൂടുതല്‍ ഫൈബര്‍ അടങ്ങിയ പഴവര്‍ഗ്ഗങ്ങളും പച്ചക്കറികളും ഭക്ഷണത്തില്‍ ഉള്‍പ്പെടുത്താം.
വെള്ളം കുടിക്കാന്‍ മറക്കരുത്. ആവശ്യത്തിന് വെളളം കുടിക്കാന്‍ ശ്രദ്ധിക്കുക. ഗ്രീന്‍ടീ കുടിക്കുക, ജീരകം ഇട്ട് തിളപ്പിച്ച വെള്ളം കുടിക്കുക. അതുപോലെ പഴം, പുളിയില്ലാത്ത തൈര് എന്നിവയും ആഹാരത്തില്‍ ഉള്‍പ്പെടുത്താന്‍ മറക്കരുത്.
വയറില്‍ ഗ്യാസ് കയറി വിഷമിച്ചിരിക്കുന്ന അവസ്ഥയാണെങ്കില്‍ യോഗ, നടത്തം പോലുള്ള വ്യായാമങ്ങള്‍ ഫലം ചെയ്യും. ശരീരം അനങ്ങുമ്പോള്‍ വയറിലെ പേശികള്‍ ചുരുങ്ങുകയും അത് ഗ്യാസിന് ശമനമുണ്ടാക്കാന്‍ സഹായിക്കുകയും ചെയ്യും.
(ഈ ലേഖനം വിവരങ്ങള്‍ നല്‍കുന്നതിന് വേണ്ടിയുള്ളതാണ്. ആരോഗ്യസംബന്ധമായ പ്രശ്‌നങ്ങള്‍ക്ക് ഒരു ഡോക്ടറുടെ സേവനം തേടേണ്ടത് അത്യാവശ്യമാണ്)
Content Highlights :Is gas in the stomach the problem? There is a solution
