LIVE TV
”ശൂ..ശൂ.. ഓട്ടത്തിലാണല്ലേ.. വട്ടത്തിലും നീളത്തിലും ആഞ്ഞുചവിട്ടി, തൊഴിലിടത്തിലും, കുടുംബത്തിനു വേണ്ടിയും ഓടി തകർക്കുകയാണല്ലേ. എങ്കിൽ ഒന്നു നിന്നേ.. ഒന്നു ശ്വാസമെടുത്തോട്ടേ..! ” ഇങ്ങനൊരു ശബ്ദത്തിനു എപ്പോളെങ്കിലും ചെവികൊടുക്കാറുണ്ടോ? ഇല്ലാ എന്നാണ് ഉത്തരമെങ്കിൽ, ചെവി കൊടുക്കണം എന്നോർമിപ്പിക്കുന്ന ദിവസമാണിന്ന്. ഇന്റർനാഷ്ണൽ സെൽഫ് കെയർ ഡേ.
നമുക്കു ചുറ്റുമുള്ളവർക്കുവേണ്ടിയും നമ്മുടെ കുടുംബത്തിനുവേണ്ടിയും ഓടുന്നതിനിടയിൽ, മുൻകാലങ്ങളെ അപേക്ഷിച്ചു നമുക്കുവേണ്ടികൂടിയും നമ്മുടെ ആരോഗ്യത്തിനായും അൽപസമയം മാറ്റിവെക്കാൻ ഓർമപ്പെടുത്തുന്ന ഒരു കാലട്ടമാണിത്. പ്രത്യേകിച്ചും മാനസിക, ശാരീരിക, വൈകാരികമായ ആരോഗ്യത്തിനു അതിന്റേതായ പ്രാധാന്യം കൊടുക്കുന്ന സമയം. സെൽഫ് കെയർ എന്നതു കേവലം ഒരൊറ്റ ദിവസത്തെ മാത്രം കാര്യമല്ല. അതു 24*7 നമ്മൾ ചെയ്തുപോരേണ്ട ഒരു ജീവിതചര്യയാണ് എന്നാണ് ആദ്യം തിരിച്ചറിയേണ്ടത്.
എന്തുകൊണ്ട് സെൽഫ് കെയർ ഇന്ന് അത്യാവശ്യമാകുന്നു?
തിരക്കുകളെ പലപ്പോഴും മഹത്വവൽക്കരിക്കുന്ന ഒരു സംസ്കാരം നമുക്കിടയിൽ വളർന്നു വരുമ്പോളും , വിശ്രമവും പരിചരണവും അത്യാവശ്യമാണ്. മാത്രവുമല്ല, കോവിഡ് കാലാന്തര ആരോഗ്യപ്രശ്നങ്ങൾ, സ്ട്രെസ്സ്, ബേൺ ഔട്ട്, ക്ഷീണം, പലവിധ മാനസിക വിഷമതകൾ ഇതെല്ലാം സെൽഫ് കെയറിനെ ഇന്നിന്റെ ആവശ്യകതയാക്കി മാറ്റുന്നു.
സെൽഫ് കെയർ പലവിധം
മാനസികമായ സെൽഫ് കെയർ അത്യാവശ്യം
ശാരീരികമായ ആരോഗ്യത്തോളം വലുതാണ് മാനസികാരോഗ്യം. എങ്ങനെ ഇവിടെ സെൽഫ് കെയർ ചെയ്യാം?
ആ പാവം ശരീരത്തെ മറക്കല്ലേ..!
മനസ്സും ശരീരവും രണ്ടും രണ്ടല്ല, ഒന്നു മറ്റൊന്നിനെ ചാരി തന്നെയാണ് വളരുന്നത്. അങ്ങനെയെങ്കിൽ അവിടെയും പരിഗണന അത്യാവശ്യമാണ്.
ഇമോഷ്ണൽ സെൽഫ് കെയർ
വൈകാരികമായ ഒഴുക്കിനു തടസ്സം വരാതെ ഒഴുകാനാവുമ്പോളാണ്, ജീവിതം മനോഹരമാകുന്നത്. അതിനും പ്രാധാന്യം നൽകേണ്ടത് അത്യാവശ്യം തന്നെയാണ്.
ആത്മീയതയ്ക്കും പ്രാധാന്യമുണ്ട്
മനസ്സിന്റെ താളം നിലനിർത്താൻ ആത്മീയമായുള്ള താളം നിലനിർത്തേണ്ടത് അത്യാവശ്യമാണ്.
ഡിജിറ്റൽ സെൽഫ് കെയറിനെ പറ്റി അറിയാമോ?
ഡിജിറ്റൽ ഗാഡ്ജറ്റ്സിലേക്കു മാത്രമായി ചുരുങ്ങിപോകുന്ന കാലഘട്ടത്തിൽ അതിൽനിന്നു വഴിമാറി നടക്കുക എന്നതും ഒരു വെല്ലുവിളിയാണ്. അതിലുപരി അതൊരു സെൽഫ് കെയർ ആവശ്യമുള്ള ഇടം കൂടിയാണ്.
സെൽഫ് കെയർ സെൽഫിഷല്ല..!
സ്വയം പ്രാധാന്യം കൊടുക്കുക എന്നതിനർത്ഥം, സെൽഫിഷാവുകയല്ല എന്നതാണ് ആദ്യം തിരിച്ചറിയേണ്ടത്. അതേസമയം ചെലവേറിയ കാര്യങ്ങൾ മാത്രം ചെയ്തു സ്വയം സന്തോഷിപ്പിക്കുകയുമല്ല. മറിച്ചു നമ്മളെ പറ്റുന്ന രീതിയിലെല്ലാം സന്തോഷിപ്പിച്ചും, നമ്മളെ നമ്മൾ തന്നെ പരിഗണിച്ചുമുള്ള അതിജീവനമാണ്. നമ്മുടെ എല്ലാ തരത്തിലുമുള്ള ആരോഗ്യത്തിനും പ്രാധാന്യം നൽകലാണ്.
Celebrate International Self-Care Day by prioritizing your mind, body, and soul. Discover simple habits, empowering tips, and daily rituals to embrace wellness and self-love. #SelfCareDay
