Top

'ഗവർണറുടേത് തരംതാണ ഭാഷ'; പദവിയിൽ തുടരുന്നത് സാംസ്‌കാരിക കേരളത്തിന് അപമാനമെന്ന് ഇ പി ജയരാജൻ

24 Aug 2022 10:17 AM GMT
റിപ്പോർട്ടർ നെറ്റ്‌വർക്ക്

ഗവർണറുടേത് തരംതാണ ഭാഷ; പദവിയിൽ തുടരുന്നത് സാംസ്‌കാരിക കേരളത്തിന് അപമാനമെന്ന് ഇ പി ജയരാജൻ
X

കണ്ണൂർ: ഗവർണർ ആരിഫ് മുഹമ്മദ് ഖാൻ ആർഎസ്എസ് വോളണ്ടിയറെ പോലെയാണ് പ്രവർത്തിക്കുന്നതെന്ന് എൽഡിഎഫ് കൺവീനർ ഇ പി ജയരാജൻ. ഗവർണർ പദവിയിൽ ഇരിക്കാൻ ആരിഫ് മുഹമ്മദ് ഖാൻ യോഗ്യനല്ല. പദവിയിൽ തുടരുന്നത് സാംസ്‌കാരിക കേരളത്തിന് അപമാനമാണ്. തെരുവ് ഗുണ്ടകൾ ഉപയോഗിക്കാത്ത പദപ്രയോഗങ്ങളാണ് ​ഗവർണറുടേതെന്നും തെറ്റുതിരുത്താൻ തയ്യാറാവണമെന്നും ഇ പി ജയരാജൻ പറഞ്ഞു.

'അദ്ദേഹം ഒരു ആർഎസ്എസ് വോളണ്ടിയർ ആയി മാറി. ഗവർണറുടെ നിയമനം എന്തിൻറെ പ്രത്യുപകാരമാണ്. ആർഎസ്എസിന്റെ ഒരു സേവകനായി അദ്ദേഹം മാറി. അത് അദ്ദേഹത്തിന് വന്നിട്ടുളള അപചയമാണ്. ഞങ്ങളെല്ലാെം ആഗ്രഹിക്കുന്നത് അദ്ദേഹത്തെ പോലെയുളള ഒരാർ ഇത്തരത്തിൽ അധഃപതിക്കാൻ പാടില്ലായിരുന്നു എന്നാണ്. ആ സ്ഥാനത്തിരിക്കാൻ അദ്ദേഹം യോഗ്യനല്ല,' ഇ പി ജയരാജൻ പറഞ്ഞു.

'ഗവർണ്ണർ പദവിയിൽ ആരിഫ് മുഹമ്മദ് ഖാൻ തുടരുന്നത് സാംസ്‌കാരിക കേരളത്തിന് അപമാനമാണ്. ​ഗവർണറുടേത് തരംതാണ ഭാഷയാണ്. ഇർഫാൻ ഹബീബിനെ ഗവർണർ തെരുവുതെണ്ടിയെന്ന് വിളിച്ചു. ഒരിക്കലും ഇത്തരത്തിൽ ഒരു പ്രയോഗം അദ്ദേഹം നടത്താൻ പാടില്ലായിരുന്നു. ഗവർണറുടെ സമനില തെറ്റി. അദ്ദേഹത്തിന് എന്തോ സംഭവിച്ചിട്ടുണ്ട്. ഗവർണർ ആഗ്രഹിച്ച എന്തോ നടന്നിട്ടില്ല. തെരുവ് ഗുണ്ടകൾ ഉപയോഗിക്കാത്ത പദപ്രയോഗങ്ങളാണ് ​ഗവർണറുടേതെന്നും തെറ്റുതിരുത്താൻ തയ്യാറാവണം,' എന്നും ഇ പി ജയരാജൻ പറഞ്ഞു.

വിഴിഞ്ഞം സമരം സംശയാസ്പദമാണ്. സമരം മൽസ്യത്തൊഴിലാളികൾക്ക് വേണ്ടിയാണോ എന്ന് സംശയം തോന്നും. സർക്കാരിന് ചെയ്യാൻ കഴിഞ്ഞതെല്ലാം ചെയ്തെന്നും ഇ പി ജയരാജൻ കൂട്ടിച്ചേർത്തു.

STORY HIGHLIGHTS: ep jayarajan against Kerala governor arif Mohammed khan

Next Story