എറണാകുളം: ഡ്യൂട്ടിയ്ക്ക് പോയ പൊലീസ് ഉദ്യോഗസ്ഥനെ കാണാനില്ലെന്ന് പരാതി. കോതമംഗലം പൊലീസ് സ്റ്റേഷനിലെ ഗ്രേഡ് എസ് ഐ ഷാജി പോളിനെയാണ് കാണാതായത്. ഷാജിയെ കാണാനില്ലെന്ന് പറഞ്ഞ് ഭാര്യയാണ് പരാതി നല്കിയത്.
കഴിഞ്ഞ ദിവസം ജോലിക്കായി കോതമംഗലം സ്റ്റേഷനിലേക്ക് പുറപ്പെട്ടതായിരുന്നു ഷാജി. പിന്നീട് ഷാജിയെ പറ്റി ഒരു വിവരവും ലഭിച്ചില്ല. തുടര്ന്ന് പരിഭ്രാന്തിയിലായ കുടുംബം പൊലീസില് പരാതി നല്കുകയായിരുന്നു.
