Get the latest news at
your fingertips!
Download our app now
LIVE TV
Search
ഷാര്ജയിലുണ്ടായ വാഹനാപകടത്തില് മരിച്ച ഒന്നര വയസുകാരനായ മകന്റെ മരണത്തില് ഡ്രൈവര്ക്കെതിരെ പരാതിയില്ലെന്ന് മലയാളി ദമ്പതികള്. മലപ്പുറം ചട്ടിപ്പറമ്പ് നെല്ലോളി സ്വദേശി ഷറഫുദ്ദീന്റെയും സഫ്നയുടെയും മകന് 22 മാസം മാത്രം പ്രായമുള്ള അലന് റൂമി ആണ് ഈ മാസം 11 ന് ഷാര്ജയിലുണ്ടായ അപകടത്തില് മരിച്ചത്.
പാര്ക്കിങ് ഏരിയയില് മാലിന്യം നിക്ഷേപിക്കാന് മാതാവായ സഫ്ന പോയപ്പോള് കൂടെയുണ്ടായിരുന്ന അലന് പെട്ടെന്ന് കയ്യില് നിന്ന് കുതറി ഓടുകയും തൊട്ടടുത്ത് പാര്ക്ക് ചെയ്തിരുന്ന വാഹനം എടുക്കുന്നതിനിടയില് പെട്ടുപോകുകയുമായിരുന്നു. അല്പനേരത്തെ അശ്രദ്ധയാണ് ദാരുണമായ ഈ സംഭവത്തിന് കാരണമായത്.
അപകടം നടക്കുമ്പോള് വാഹനത്തിന്റെ അടുത്ത് നില്ക്കുന്നകുട്ടിയെ ഡ്രൈവര്ക്ക് കാണാന് കഴിയാത്ത അവസ്ഥയിലുമായിരുന്നു. പെട്ടെന്നായിരുന്നു എല്ലാം സംഭവിച്ചത്, അപകടം നടന്നയുടന് ആംബുലന്സിനായി കാത്തുനില്ക്കാതെ ഡ്രൈവര് തന്നെ കുട്ടിയെ ആശുപത്രിയിലെത്തിച്ചെങ്കിലും ആന്തരിക രക്തസ്രാവം മൂലം കുട്ടിയുടെ ജീവന് രക്ഷിക്കാനായില്ല.
ഡ്രൈവറെ ക്രൂശിച്ചതുകൊണ്ട് ഞങ്ങളുടെ മകനെ തിരികെ കിട്ടില്ലല്ലോ. മറ്റൊരു കുടുംബം കൂടി കണ്ണീരിലാകാന് ഞങ്ങള് ആഗ്രഹിക്കുന്നില്ലെന്നും വിതുമ്പലോടെ പിതാവായ ഷറഫുദ്ദീന് പറഞ്ഞു. മകന്റെ മൃതദേഹം ദുബായില് സംസ്കരിച്ച ശേഷം ദമ്പതികള് നാട്ടിലേക്ക് മടങ്ങിയിരുന്നു. ഡ്രൈവര്ക്കെതിരെ പരാതിയില്ലെന്നും ഷാര്ജ പൊലീസിനെ അറിയിച്ചു.
Content Highlights: One and a half year old Malayali boy died in a car accident in Sharjah. The incident involved a vehicle and the toddler. The grieving parents said they have no complaint against the driver. The accident has shocked the Malayali community in the UAE.
