Get the latest news at
your fingertips!
Download our app now
LIVE TV
Search
യുഎഇയിൽ ഇന്ന് സ്വർണവിലയിൽ വൻകുതിപ്പ്. ശനിയാഴ്ച വൈകുന്നേരത്തെ വിലയിൽ നിന്നും ഇന്ന് രാവിലെ നേരിയ വർദ്ധനവാണ് വിലയിൽ പ്രതിഫലിച്ചത്. എന്നാൽ വൈകുന്നേരമായപ്പോൾ സ്വർണവിലയിൽ ഏഴ് ദിർഹത്തിന്റെയോളം വലിയ വർദ്ധനവുണ്ടായി. 24-കാരറ്റ് സ്വർണത്തിന് ഗ്രാമിന് ഇന്ന് രാവിലെ 513 ദിർഹവും 18 ഫിൽസുമാണ് വില. ശനിയാഴ്ച വ്യാപാരം അവസാനിക്കുമ്പോൾ ഇത് 512 ദിർഹവും 37 ഫിൽസുമായിരുന്നു വില. എന്നാൽ ഇന്ന് വൈകുന്നേരമായപ്പോൾ 24-കാരറ്റ് സ്വർണത്തിന് ഗ്രാമിന് വില 520 ദിർഹവും 86 ഫിൽസുമെന്ന നിലയിലേക്ക് കുതിച്ചുയർന്നു. രാവിലത്തെ വിലയേക്കാൾ ഏകദേശം ഏഴ് ദിർഹത്തിന്റെ വർദ്ധനവാണ് വൈകുന്നേരം ഉണ്ടായത്.
സമാനമായി 22-കാരറ്റ് സ്വർണത്തിന്റെ വിലയിലും വർദ്ധനവുണ്ടായി. രാവിലെ ഗ്രാമിന് 470 ദിർഹമായിരുന്നു 22-കാരറ്റ് സ്വർണം ഗ്രാമിന് വിലയുണ്ടായിരുന്നത്. ഇന്നലത്തെ വിലയേക്കാൾ ഒരു ദിർഹത്തിന്റെ വർദ്ധനവിലാണ് 22-കാരറ്റ് സ്വർണം ഇന്ന് രാവിലെ വ്യാപാരം നടന്നത്. എന്നാൽ വൈകുന്നേരമായപ്പോൾ ഇത് 477 ദിർഹത്തിലേക്ക് കുതിച്ചുയർന്നു. രാവിലത്തെ വിലയേക്കാൾ ഏഴ് ദിർഹത്തിന്റെ വർദ്ധനവാണ് വൈകുന്നേരം ഉണ്ടായത്.
21-കാരറ്റ് സ്വർണത്തിന്റെ വിലയിലും ഇന്ന് വർദ്ധനവ് രേഖപ്പെടുത്തി. രാവിലെ ഗ്രാമിന് 449 ദിർഹമായിരുന്ന വില വൈകുന്നേരം 455 ദിർഹത്തിലേക്കെത്തി. ഇന്നലെ 448 ദിർഹമായിരുന്നു ഒരു ഗ്രാം 21-കാരറ്റ് സ്വർണത്തിന്റെ വില. ഇന്ന് രാവിലെ ഒരു ദിർഹത്തിന്റെ വർദ്ധനവാണ് 21 കാരറ്റ് സ്വർണവിലയിൽ രേഖപ്പെടുത്തിയത്. എന്നാൽ വൈകുന്നേരമായപ്പോൾ ആറ് ദിർഹത്തിന്റെ വർദ്ധനവ് സ്വർണവിലയിലുണ്ടായി.
18-കാരറ്റ് സ്വർണത്തിന് ഗ്രാമിന് 384 ദിർഹമാണ് ഇന്ന് വൈകുന്നേരത്തെ വില. രാവിലെയും ഏകദേശം ഇതേവിലയിലാണ് ഇന്ന് വ്യാപാരം നടന്നത്. എന്നാൽ വൈകുന്നേരമായപ്പോൾ 390 ദിർഹമായി 18-കാരറ്റ് സ്വർണത്തിൻ്റെ വിലയിൽ വർദ്ധനവുണ്ടായി. ഏകദേശം ആറ് ദിർഹത്തിൻ്റെ വർദ്ധനവാണ് വൈകുന്നേരമുണ്ടായത്.
Content Highlights: Sharp increase in Gold prices in the UAE
