Get the latest news at
your fingertips!
Download our app now
LIVE TV
Search
യുഎഇയിൽ സ്വർണവിലയിൽ ഇന്ന് നേരിയ കുറവ് രേഖപ്പെടുത്തി. ഇന്ന് രാവിലെ ഇന്നലെത്തെ വിലയേക്കാൾ ഒരു ദിർഹത്തോളം കുറവ് സ്വർണവിലയിൽ പ്രതിഫലിച്ചിരുന്നു. എന്നാൽ വൈകുന്നേരമായപ്പോൾ സ്വർണവില വീണ്ടും ഉയരുകയായിരുന്നു. എങ്കിലും തലേദിവസത്തെക്കാൾ നേരിയ കുറവാണ് വൈകുന്നേരവും രേഖപ്പെടുത്തിയിരിക്കുന്നത്.
യുഎഇയിൽ ഒരു ഗ്രാം 18 കാരറ്റ് സ്വർണത്തിന് ഇന്നലെ 331 ദിർഹവും 46 ഫിൽസുമായിരുന്നു വില. എന്നാൽ ഇന്ന് രാവിലെ ഇത് 330 ദിർഹവും 39 ഫിൽസുമായി കുറഞ്ഞു. എങ്കിലും വൈകുന്നേരത്തെ വില പുറത്തുവന്നപ്പോൾ ഒരു ഗ്രാം 18 കാരറ്റ് സ്വർണത്തിന്റെ നിരക്ക് 331 ദിർഹവും 34 ഫിൽസുമായി ഉയർന്നു. എങ്കിലും ഇന്നലത്തെ വിലയേക്കാൾ 12 ഫിൽസിന്റെ കുറവ് സ്വർണ വിലയിലുണ്ട്.
ഒരു ഗ്രാം 21 കാരറ്റ് സ്വർണത്തിന്റെ വിലയിലും കുറവ് രേഖപ്പെടുത്തി. ഇന്നലെ 386 ദിർഹവും 71 ഫിൽസുമായിരുന്നു 21 കാരറ്റ് സ്വർണത്തിന് വില. എന്നാൽ ഇന്ന് രാവിലെ സ്വർണ വില 385 ദിർഹവും 46 ഫിൽസുമായി കുറഞ്ഞു. പക്ഷേ വൈകുന്നേരമായപ്പോൾ 21 കാരറ്റ് സ്വർണത്തിന്റെ വിലയിലും വർദ്ധനവുണ്ടായി. 386 ദിർഹവും 56 ഫിൽസുമാണ് 21 കാരറ്റ് സ്വർണത്തിന് നൽകേണ്ടത്. ഇന്നലത്തെ വിലയേക്കാൾ 15 ഫിൽസിന്റെ കുറവാണ് ഇന്ന് രേഖപ്പെടുത്തിയത്.
ഒരു ഗ്രാം 22 കാരറ്റ് സ്വർണത്തിന്റെ വിലയിൽ രാവിലെ രണ്ട് ദിർഹത്തിന്റെ കുറവ് രേഖപ്പെടുത്തിയിരുന്നു. ഇന്നലെ 405 ദിർഹവും 12 ഫിൽസുമായിരുന്നു 22 കാരറ്റ് സ്വർണത്തിന്റെ വില. ഇന്ന് രാവിലെ വില 403 ദിർഹവും 81 ഫിൽസുമായി വില കുറഞ്ഞു. എന്നാൽ വൈകുന്നേരത്തോടെ സ്വർണ വില 404.97 ഫിൽസായി ഉയർന്നു. തലേദിവസത്തെക്കാൾ 15 ഫിൽസിന്റെ കുറവാണ് ഇന്നുള്ളത്.
ഒരു ഗ്രാം 24 കാരറ്റ് സ്വർണത്തിലും സമാന സ്ഥിതിയാണുള്ളത്. ഇന്നലെ 441 ദിർഹവും 95 ഫിൽസുമായിരുന്നു വില. ഇന്ന് രാവിലെ അത് 440 ദിർഹവും 52 ഫിൽസുമായി വില കുറഞ്ഞു. എങ്കിലും വൈകുന്നേരമായപ്പോൾ 441 ദിർഹവും 78 ഫിൽസുമായി വില വർദ്ധിക്കുകയും ചെയ്തു. ഇന്നലെത്തെ വിലയേക്കാൾ 17 ഫിൽസിന്റെ കുറവാണ് ഇന്നുള്ളത്.
Content Highlights: Gold prices dcreases in UAE, slight relief
