LIVE TV
അടുത്ത വർഷത്തെ ഹജ്ജ് തീർത്ഥാടനത്തിന് അപേക്ഷിക്കാനുള്ള ആഗ്രഹമുള്ള സ്വദേശികൾക്കും യോഗ്യരായ പ്രവാസികൾക്കുമായി രജിസ്ട്രേഷൻ തീയതികൾ പ്രഖ്യാപിച്ച് ഒമാൻ. ഔഖാഫ്, മതകാര്യ മന്ത്രാലയമാണ് ഹജ്ജ് അപേക്ഷകൾ ക്ഷണിച്ചുകൊണ്ടുള്ള ഔദ്യോഗിക അറിയിപ്പ് പുറപ്പെടുവിച്ചത്.
സെപ്റ്റംബർ 28 മുതൽ ഒക്ടോബർ 11 വരെ മന്ത്രാലയത്തിന്റെ ഔദ്യോഗിക ഇലക്ട്രോണിക് പോർട്ടലായ hajj.om (ഹജ്ജ്.ഒഎം) വഴി അപേക്ഷകൾ സമർപ്പിക്കാവുന്നതാണ്. ഹജ്ജ് നിർവ്വഹിക്കാൻ ആഗ്രഹിക്കുന്ന എല്ലാ സ്വദേശികളും യോഗ്യരായ പ്രവാസികളും നിശ്ചിത സമയപരിധിക്കുള്ളിൽ തന്നെ ഡിജിറ്റൽ സംവിധാനം വഴി അപേക്ഷകൾ പൂർത്തിയാക്കണമെന്ന് മന്ത്രാലയം അഭ്യർത്ഥിച്ചു.
അടുത്ത വർഷത്തെ ഹജ്ജ് സീസണിനായുള്ള ഒമാന്റെ പ്രാഥമിക ഒരുക്കങ്ങളുടെ ഭാഗമായാണ് അപേക്ഷ നടപടികൾ ആരംഭിക്കുന്നത്. ലഭിക്കുന്ന അപേക്ഷകൾ സ്വീകരിക്കുന്നതിനും പരിശോധിക്കുന്നതിനുമുള്ള പ്രധാന മാധ്യമമായി ഈ ഇലക്ട്രോണിക് സിസ്റ്റം പ്രവർത്തിക്കും. അവസാന നിമിഷത്തെ തിരക്കുകൾ ഒഴിവാക്കാനും അവസരം നഷ്ടപ്പെടാതിരിക്കാനും വിവരങ്ങൾ കൃത്യമായി നൽകി കൃത്യസമയത്ത് തന്നെ അപേക്ഷിക്കാൻ ഉദ്യോഗാർത്ഥികളോട് മന്ത്രാലയം നിർദ്ദേശിച്ചിട്ടുണ്ട്.
Content Highlights: Hajj registration for next year is set to begin in Oman. Eligible expatriates residing in Oman can also apply under the announced registration process.
