Get the latest news at
your fingertips!
Download our app now
LIVE TV
Search
സൗദി അറേബ്യയിലെ സന്നദ്ധ സംഘടനകളുടെ (NGOs) പ്രവർത്തനങ്ങളിൽ കൂടുതൽ സുതാര്യതയും വ്യക്തതയും കൊണ്ടുവരുന്നതിനായി പുതിയ മാർഗനിർദ്ദേശങ്ങൾ പുറപ്പെടുവിച്ചു. പൊതുജനങ്ങളെ തെറ്റിദ്ധരിപ്പിക്കുന്നതോ ഔദ്യോഗിക സർക്കാർ സ്ഥാപനങ്ങളുമായി സാമ്യമുള്ളതോ ആയ പേരുകൾ ഉപയോഗിക്കുന്നതിനാണ് ഇപ്പോൾ കടുത്ത നിയന്ത്രണം ഏർപ്പെടുത്തിയിരിക്കുന്നത്.
സൗദി അറേബ്യയിലെ നോൺ-പ്രോഫിറ്റ് സെക്ടർ വികസനത്തിനായുള്ള നാഷണൽ സെന്റർ സന്നദ്ധ സംഘടനകളുടെ പ്രവർത്തനങ്ങളിൽ നിർണായകമായ പുതിയ നിർദ്ദേശങ്ങൾ പുറപ്പെടുവിച്ചു. രാജ്യത്തെ സന്നദ്ധ സംഘടനകൾ, സിവിലിയൻ സ്ഥാപനങ്ങൾ, ഫാമിലി ഫണ്ടുകൾ എന്നിവയുടെ പേരുകൾ തിരഞ്ഞെടുക്കുന്നതിലാണ് ഇപ്പോൾ കർശന നിയന്ത്രണം ഏർപ്പെടുത്തിയിരിക്കുന്നത്.
ഒരു സംഘടനയുടെ പേര് കേട്ടാൽ അത് ഏത് മേഖലയിലാണ് പ്രവർത്തിക്കുന്നതെന്നും അതിന്റെ പ്രധാന ലക്ഷ്യം എന്താണെന്നും കൃത്യമായി മനസ്സിലാക്കാൻ സാധിക്കണം. സർക്കാർ സ്ഥാപനങ്ങളോടോ മറ്റ് ഔദ്യോഗിക ഏജൻസികളോടോ സാമ്യമുള്ളതോ, അവയുടെ ഭാഗമാണെന്ന് തെറ്റിദ്ധരിപ്പിക്കുന്നതോ ആയ പേരുകൾ ഉപയോഗിക്കാൻ പാടില്ല.
പൊതുജനങ്ങളിൽ ആശയക്കുഴപ്പമുണ്ടാക്കുന്നതോ അവ്യക്തമായതോ ആയ പേരുകൾക്ക് ഇനി അനുമതി ലഭിക്കില്ല. സന്നദ്ധ സേവന മേഖലയുടെ വിശ്വാസ്യത വർദ്ധിപ്പിക്കാനും കൂടുതൽ കാര്യക്ഷമമാക്കാനുമാണ് ഈ പരിഷ്കാരങ്ങളിലൂടെ നാഷണൽ സെന്റർ ലക്ഷ്യമിടുന്നത്.
Content Highlights: Saudi Arabia has introduced strict regulations on the naming and registration of nonprofit organizations to ensure greater transparency and legal compliance. Under the new rules, organizations will not be allowed to use misleading or unauthorized names. Registration procedures will be more structured, and monitoring and reporting mechanisms will be strengthened.
