Top

കുവൈറ്റിൽ വന്‍ തീപിടുത്തം; കത്തിനശിച്ചത് 4000 ചതുരശ്ര മീറ്റര്‍ സ്ഥലം

നാല് അഗ്നിശമന സേനാ യൂണിറ്റുകള്‍ സ്ഥലത്തെത്തി ഏറെ ശ്രമകരമായാണ് തീ നിയന്ത്രണ വിധേയമാക്കിയത്

30 May 2022 8:18 PM GMT
റിപ്പോർട്ടർ മിഡില്‍ ഈസ്റ്റ്

കുവൈറ്റിൽ വന്‍ തീപിടുത്തം; കത്തിനശിച്ചത് 4000 ചതുരശ്ര മീറ്റര്‍ സ്ഥലം
X

കുവെെറ്റ് സിറ്റി: കുവൈറ്റിലെ അല്‍ റായ് പ്രദേശത്ത് വന്‍ തീപിടുത്തം. ടെന്റുകള്‍ നിര്‍മിക്കുന്നതിന് ഉപയോഗിക്കുന്ന നിര്‍മാണ സാമഗ്രികളും മറ്റും വില്‍പന നടത്തിയിരുന്ന താൽകാലിക ഷെഡുകളിലാണ് തീപിടിച്ചത്. 4000 ചതുരശ്ര മീറ്റര്‍ സ്ഥലത്ത് തീ പടര്‍ന്നുപിടിച്ചതായി കുവൈറ്റ് ഫയര്‍ ഫോഴ്‍സ് പുറത്തിറക്കിയ പ്രസ്‍താവനയില്‍ പറയുന്നു.

നാല് അഗ്നിശമന സേനാ യൂണിറ്റുകള്‍ സ്ഥലത്തെത്തി ഏറെ ശ്രമകരമായാണ് തീ നിയന്ത്രണ വിധേയമാക്കിയത്. സംഭവത്തില്‍ ആര്‍ക്കും പരിക്കേറ്റിട്ടില്ലെന്നാണ് റിപ്പോര്‍ട്ടുകള്‍. നിര്‍മാണ സാമഗ്രികളും മറ്റും കത്തിനശിച്ചതിലൂടെ കോടികളുടെ നഷ്ടമുണ്ടായതായാണ് നിഗമനം. തീപിടുത്തത്തിന്റെ കാരണം കണ്ടെത്താന്‍ വിപുലമായ അന്വേഷണം ആരംഭിച്ചു.

STORY HIGHLIGHTS: Huge fire in Kuwait Al Rai

Next Story