LIVE TV
മാർവെൽ സിനിമാറ്റിക് യൂണിവേഴ്സിന് ലോകമെമ്പാടും ആരാധകരുണ്ട്. മാർവെലിന്റെതായി പുറത്തിറങ്ങുന്ന ഓരോ സിനിമകൾക്കും വലിയ വരവേൽപ്പാണ് ലഭിക്കാറുള്ളത്. കഴിഞ്ഞ കുറച്ച് വർഷങ്ങളായി പ്രേക്ഷകരുടെ പ്രതീക്ഷകൾക്ക് അനുസരിച്ചുള്ള സിനിമകൾ അല്ല മാർവെൽ സ്റ്റുഡിയോസ് പുറത്തിറക്കുന്നതെങ്കിലും അവർ ശക്തമായി തിരിച്ചുവരുമെന്നാണ് ഓരോ ആരാധകരും കാത്തിരിക്കുന്നത്. ഫ്രാഞ്ചൈസിയിലെ ഏറ്റവും പുതിയ ചിത്രമായ സ്പൈഡര്മാന്: ബ്രാന്ഡ് ന്യൂ ഡേ തിയേറ്ററിൽ മികച്ച പ്രതികരണമാണ് ഇപ്പോൾ നേടുന്നത്.
മികച്ച സ്ക്രീന് കൗണ്ടോടെയാണ് സ്പൈഡര്മാന് ചിത്രങ്ങള് ഇന്ത്യയിലെ തിയറ്ററുകളില് റിലീസ് ചെയ്യാറ്. ചിത്രം ആദ്യ ദിനം നേടിയ കളക്ഷന് ഔദ്യോഗികമായിത്തന്നെ പുറത്തുവിട്ടിരിക്കുകയാണ് അണിയറക്കാര്. ചിത്രത്തിന്റെ വിതരണക്കാരായ സോണി പിക്ചേഴ്സ് ആണ് ഇന്ത്യയില് ചിത്രം ആദ്യ ദിനം നേടിയ കളക്ഷന് പുറത്തുവിട്ടിരിക്കുന്നത്. 73 കോടിയാണ് സ്പൈഡര്മാന്: ബ്രാന്ഡ് ന്യൂ ഡേ ഇന്ത്യയില് നിന്ന് നേടിയ ഓപണിംഗ് ഗ്രോസ്. ഇത് ഒരു റെക്കോര്ഡ് ആണ്. അവഞ്ചേഴ്സ്; എന്ഡ് ഗെിയം (65 കോടി), അവതാര്: ദ വേ ഓഫ് വാട്ടര് (48.75 കോടി) എന്നീ സിനിമകളെയാണ് സ്പൈഡര്മാന്: ബ്രാന്റ് ന്യു ഡെ പിന്നിലാക്കിയത്.
ഒരു ഹോളിവുഡ് ചിത്രം ഇന്ത്യയില് നേടുന്ന എക്കാലത്തെയും വലിയ ഓപണിംഗ് കളക്ഷനാണ് ഇത്. ഇംഗ്ലീഷിന് പുറമെ ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളിലും ചിത്രം ഇന്ത്യയില് പ്രദര്ശിപ്പിക്കുന്നുണ്ട്. ഇന്ത്യന് സിനിമകളുടെ റെക്കോര്ഡും സ്പൈഡര്മാന് ചിത്രം പിന്നിലാക്കിയിട്ടുണ്ട്. 67.19 കോടി ആദ്യ ദിവസം നേടിയ ഷാരൂഖ് ഖാന് ചിത്രം പഠാന്, ധുരന്ധര്, തുടങ്ങിയ വമ്പന് സിനിമകളെയാണ് സ്പൈഡര്മാന് പിന്നിലാക്കിയത്.
2021ൽ പുറത്തിറങ്ങിയ സ്പൈഡർമാൻ: നോ വേ ഹോം സിനിമയുടെ തുടര്ച്ചയായാണ് ബ്രാൻഡ് ന്യൂ ഡേ എത്തുന്നത്. സ്ട്രെയിഞ്ചർ തിങ്സ് താരം സാഡി സിങ്കും സിനിമയിൽ പ്രധാന വേഷത്തിൽ എത്തുന്നുണ്ട്. ഡെസ്റ്റിൻ ഡാനിയൽ ക്രെറ്റൺ ആണ് സംവിധാനം. ടോം ഹോളണ്ട്, സെൻഡായ, ജേക്കബ് ബതലൻ, ജോൺ ബേൺന്തൽ, മൈക്കൽ മാൻഡോ, മാർക്ക് റുഫല്ലോ എന്നിവരാണ് പ്രധാന അഭിനേതാക്കൾ. കൊളംബിയ പിക്ചേഴ്സും മാര്വെല് സ്റ്റുഡിയോസും പാസ്കല് പിക്ചേഴ്സും ചേര്ന്നാണ് ചിത്രം നിര്മ്മിച്ചിരിക്കുന്നത്. ഇന്ത്യയിലെ പ്രമുഖ ടിക്കറ്റ് ബുക്കിംഗ് പ്ലാറ്റ്ഫോം ആയ ബുക്ക് മൈ ഷോയില് നിലവില് മണിക്കൂറില് 46,000 ന് മുകളില് ടിക്കറ്റുകളാണ് ചിത്രം വിറ്റുകൊണ്ടിരിക്കുന്നത്. അതിനാല്ത്തന്നെ ഓപണിംഗ് വീക്കെന്ഡ് കളക്ഷനില് ചിത്രം റെക്കോർഡ് നേടും എന്നത് ഉറപ്പാണ്.
Content Highlights: Spider-Man: Brand New Day has delivered a historic opening at the Indian box office, becoming the highest-opening Hollywood film ever in the country. Starring Tom Holland and Zendaya, the Marvel blockbuster surpassed the previous record held by Avengers: Endgame, driven by exceptional advance bookings and massive audience turnout across India.
